اولیاء حق و باطل

اسی طرح کی بہت ساری مثالیں موجودہیں ، میں نے اپنی ایک کتاب کے اندر تقریباً ایک ہزار معجزات جمع کئے ہیں۔ [1] کرامات صحابہ رضی اللہ عنہم : صحابہ وتابعین اور سلف صالحین کی کرامات بہت زیادہ ہیں۔جن میں سے چندحسب ذیل ہیں: حضرت اسیدبن حضیر رضی اللہ عنہ جب سورہ کہف پڑھاکرتے توآسمان سے ایسی چیز اترتی جو چھتری کی مانند ہوتی ، اس میں لکیراور دھاری جیسی چیزیں ہوتیں ، یہ فرشتے ہوتے تھے جوان کی قراء ت سننے کے لیے آتے تھے۔[2] حضرت عمران بن حصین رضی اللہ عنہ کوفرشتے سلام کیا کرتے تھے۔ [3] ’’سلمان فارسی اور ابودرداء رضی اللہ عنہما ایک پلیٹ میں کھاناکھاتے تھے ، پلیٹ یاجوکچھ اس میں ہوتاسب اﷲ کی تسبیح خواں ہوتیں۔ ‘‘[4] ’’عبادبن بشراور أسیدبن حضیر رضی اللہ عنہما نبی کریم صلی اللہ علیہ وسلم کے یہاں سے ایک تاریک رات میں نکلے ، ان دونوں کے سامنے ایک روشنی کنارتازیانہ کی طرح نمودارہوئی ، اور جب وہ ایک دوسرے سے جداہوئے تووہ روشنی بھی دوحصوں میں تقسیم ہوگئی ۔ ‘‘[5] صحیحین میں ابوبکرصدیق رضی اللہ عنہ کاواقعہ ہے کہ وہ تین مہمانوں کے ہمراہ اپنے گھرتشریف

[1] ) نبی کریم صلی اللہ علیہ وسلم کے ایک ہزارمعجزات پرمشتمل مستقل وغیرمستقل کتابیں موجودہیں ، جیسے دلائل النبوۃ ، لأبی نعیم ، دلائل النبوۃ ، للبیہقی ، وغیرہ ، اردومیں معجزات نبوی ‘‘ مطبوعہ الدارالسلفیہ ممبئی ، وغیرہ ملاحظہ کرسکتے ہیں۔ (مترجم) [2] ) بخاری:فضائل القرآن ، نزول السکینۃ والملائکۃ عند قراء ۃ القرآن : ۵۰۱۸۔ مسلم: صلاۃ المسافرین وقصرہا ، نزول السکینۃ لقراء ۃ القرآن ، ۷۹۶۔ [3] ) صفوۃ الصفوۃ لابن الجوزی:۱؍۶۸۱ ، أسدالغابۃ لابن الأثیر: ۴؍۱۳۸۔ [4] ) حلیۃ الأولیاء لأبی نعیم: ۱؍۲۲۴۔ [5] ) بخاری:فضائل الصحابۃ ، منقبۃ أسید بن حضیر ، وعباد بن بشر (۳۸۰۵)۔