اولاد کی اسلامی تربیت

تعالیٰ نے بیوی ہونے کے ناطے عورت پر جو فریضہ عائد کیا ہے وہ یہ کہ جب شوہر اسے اپنے بستر کی طرف بلائے تو وہ چلی آئے، لیکن اس سے آگے بڑھ کر وہ ہمارے گھر کی حفاظت کرتی ہے بچوں کی پرورش کرتی ہے، ہمارے جانوروں کی خدمت کرتی ہے، ہمارے گھر کی صفائی کرتی ہے، ہمارے لئے کھانا پکاتی ہے،جب بیوی کے اتنے سارے احسانات ہم پر ہوں،اگر وہ کبھی گرجتی برستی ہے تو برسنے دو، اس سے فرق کیا پڑتا ہے ؟"( أخلاقنا الإجتماعی : 90) آپ صلی اللہ علیہ وسلم اپنی بزرگی اور عظمت کے باوجود بیویوں کے ساتھ نہایت ہی خوشگوار طور پر زندگی بسر فرماتے،ہنسی مذاق، کھیل کود میں بیویوں کو شریک کرتے۔ أم المؤمنین عائشہ صدیقہ رضی اللہ عنہا فرماتی ہیں : " ایک مرتبہ میں سفر میں آپکے ہمراہ تھی، آپ نے قافلہ والوں کو آگے بڑھنے کا حکم دیا، جب قافلہ آگے بڑھ گیا تو فرمایا : " چلو ہم اور تم دوڑ لگاتے ہیں" میں ہلکی پُھلکی تھی، دوڑ میں آپ کو پیچھے چھوڑ دیا، پھر چند سالوں بعد جب میرا وزن کچھ بڑھ گیا، تو دوران سفر آپ 1 نے کاروان کو آگے بڑھنے کا حکم دیا، پھر مجھ سے فرمایا :"چلو دوڑ لگاتے ہیں " اب کی بار آپ 1 مجھ پر سبقت لے گئے اور فرمایا:" ہٰذِہِ بِتِلْکَ " یعنی"پچھلا حساب چکا دیا"(أبو داؤد۔ نسائی) بیویوں کی حقوق میں سے یہ بھی ہے کہ شوہر ان سے ان کی بچیوں کی شادی کے سلسلے میں مشورہ لے۔ آپ صلی اللہ علیہ وسلم نے حکم دیا : " آمِرُوا النِّسَائَ فِیْ بَنَاتِہِنَّ" (أحمد :4905۔ أبوداؤد:2097 ) ترجمہ : عورتوں سے انکی بچیوں کے متعلق ان کی مرضی دریافت کرو۔ یعنی بچیوں کی کسی کے ساتھ منگنی کرنے سے پہلے ان سے اجازت لو۔