اولاد کی اسلامی تربیت

جھوٹ سے نفرت دلانا والدین کے لئے ضروری ہے کہ وہ اپنی اولاد کو جھوٹ سے نفرت دلائیں اور انہیں یہ تعلیم دیں کہ جھوٹ ایک کبیرہ گناہ ہے، اور خود بھی بچوں سے جھوٹ نہ بولیں اور نہ ان سے جھوٹ کہلوائیں، کیونکہ اس کی برائی کے لئے یہی کافی ہے کہ اسلام نے اسے منافقین کی عادتوں میں سے ایک قرار دیا : عن عبد اللّٰہ بن عمرو بن العاص رضی اللّٰہ عنہما قال قال رسول اللّٰہ صلی اللّٰہ علیہ وسلم :" أَرْبَعٌ مَنْ کُنَّ فِیْہِ کَانَ مُنَافِقًا خَالِصًا، وَمَنْ کَانَتْ فِیْہِ خَصْلَۃٌ مِنْہُنَّ کَانَتْ فِیْہِ خَصْلَۃٌ مِنَ النِّفَاقِ حَتَّی یَدَعَہَا : إِذَا اؤْتُمِنَ خَانَ، وَإِذَا حَدَّثَ کَذَبَ،وَإِذَاعَاہَدَغَدَرَ،وَإِذَاخَاصَمَ فَجَرَ"۔(بخاری:34۔2459۔3178 مسلم :58) عبد اﷲ بن عمرو بن العاص رضی اﷲ عنہما کہتے ہیں کہ رسول اﷲصلی اللہ علیہ وسلم نے ارشاد فرمایا : " جس میں تین خصلتیں ہیں وہ پکّا منافق ہے، اور جس میں ان میں سے ایک خصلت ہے اس میں نفاق کی ایک خصلت ہے جب تک کہ وہ اسے نہ چھوڑ دے، 1) جب امانت رکھی جائے تو خیانت کرے،2) بات کرے تو جھوٹ بولے،3) جب عہد کرے تو بے وفائی کرے،4) جب جھگڑا کرے تو گالی بکے۔" بچوں کے ذہنوں میں یہ بات بٹھائی جائے کہ جھوٹ بولنے سے آدمی کا شمار اﷲ تعالی کے پاس بھی جھوٹے لوگوں میں ہوجاتا ہے : عن عبد اللّٰہ بن مسعود رضی اللّٰہ عنہ قال : قال رسول اللّٰہ صلی اللّٰہ علیہ وسلم : " وَإِیَّاکُمْ وَالْکَذِبَ، فَإِنَّ الْکَذِبَ یَھْدِیْ إِلَی الْفُجُوْرِ، وَإِنَّ الْفُجُوْرَ