اصول ومبادی پر تحقیقی نظر

یہ دو مرتبہ آپ کو سنایا گیا۔(اصول و مبادی میزان ۲۷) غامدی صاحب نے اس روایت کو پیش کرکے یہ ثابت کرنے کی کوشش کی ہے کہ نبی صلی اللہ علیہ وسلم کو جس قرأت سے آپ کی وفات کے سال قرآن سنایا گیا وہ یہی قرأت ہے جو مصحف میں ثبت ہے اور جسے ہم قرأت حفص یا عامہ کہتے ہیں اور اس کے علاوہ جو قرأتیں ہیں ان کو ماننا یا ان قرأتوں میں قرآن پڑھنا اب جائز نہیں۔ اور پھر غامدی صاحب نے اس مسئلہ کی وضاحت کے لئے ’’البرھان ‘‘ کے حوالے سے ابو عبدالرحمان السلمی کا قول ذکر کیا ہے۔ ’’ کانت قرأۃ ابی بکر وعمر وزید بن ثابت والمھاجرین والانصار واحدۃ۔۔۔الخ‘‘(البرھان الزرکشی ۱/۲۷۳) ابو بکر وعمر عثمان زید بن ثابت اور تمام مہاجرین وانصار کی قرأت ایک ہی تھی وہ قرأت عامہ کے مطابق قرآن پڑھتے تھے۔یہ وہی قرأت ہے جس پر رسول اللہ صلی اللہ علیہ وسلم نے اپنی وفات کے سال جبریل امین کو دو مرتبہ قرآن سنایا،عرضہ اخیر ہ کی اس قرأت میں زید بن ثابت بھی موجود تھے۔دنیا سے رخصت ہونے تک وہ لوگوں کو اسی کے مطابق قرآن پڑھاتے تھے۔ (اصول ومبادی میزان ۲۸) اسی طرح ابن سیرین کا’’ الاتقان ‘‘کے حوالے سے ایک قول ذکر کیا ہے ’’ القرأۃ الذی عرضت علی النبی صلی اللّٰه علیہ وسلم فی العام الذی۔۔۔۔الخ(الاتقان،السیوطی ۱/۵۰۹)نبی صلی اللہ علیہ وسلم کو آپ کی وفات کے سال جس قرأت پرقرآن سنایا گیا یہ وہی قرأت ہے جس کے مطابق لوگ اس وقت بھی قرآن کی تلاوت کررہے ہیں۔(اصول ومبادی میزان،۲۹) (۱)ان اقوال میں یہ بات واضح ہے کہ آخری مرتبہ جس قرأت کے مطابق نبی صلی اللہ علیہ وسلم نے