اصول ومبادی پر تحقیقی نظر

لئے بغیر پڑھنے کی ترغیب دے رہے ہیں لیکن خود ان کا عمل اسکے برعکس ہے۔’’ وَالْمِيزَانَ ‘‘ میں(و)عطف کے لئے اور مغایرت کے لئے استعمال ہوا ہے اس بات کی واضح دلیل سورہ حدید کی یہ آیت ہے۔’’ لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ ‘‘(سورہ حدید ۵۷ آیت ۲۵)یقینا ہم نے اپنے پیغمبروں کو کھلی دلیلیں دے کر بھیجا اور ان کے ساتھ کتاب اور میزان نازل فرمائی ِ‘‘ غامدی صاحب کہتے ہیں اللہ تعالیٰ نے حق وباطل کے لئے قرآن اتارا ہے جو دراصل ایک میزان عدل ہے تاکہ ہر شخص اس پر تول کر دیکھ سکے کہ کیا چیز حق ہے اور کیا باطل اور تولنے کے لئے یہی چیزہے اس کے علاوہ دنیا میں کوئی اور چیز نہیں جس پر اسے تولا جاسکے۔(اصول ومبادی میزان صفحہ ۲۳) سورہ حدید کی آیت نمبر ۲۵ جو ہم نے پیش کی ہے اس میں یہ بات واضح ہے کہ اللہ رب العزت نے دیگر رسولوں کے ساتھ بھی کتاب اور میزان کا نزول فرمایا۔ اگر والمیزان میں(و)تفسیر کے لئے ہے تو نتائج اس طرح نکلتے ہیں۔ (۱) خاص قرآن ہی میزان نہیں رہ جاتا بلکہ دوسرے انبیاء پر جو کتابیں اتاری گئیں وہ بھی میزان بن جاتی ہیں۔ (۲) ان کتابوں پر بھی کسی چیز کو تول کر حق وباطل کا پتہ لگا یا جاسکتا ہے (۳) غامدی صاحب کی اس بات کا بھی رد ہوتا ہے قرآن کے علاوہ کوئی ایسی چیز نہیں جس پر اسے تولا جائے۔ (۴) اور اگر قرآن ہی میزان ہے تو کیا اللہ تعالیٰ نے دیگر رسولوں پر بھی قرآن نازل کیا تھا ؟ کیونکہ ان پر بھی کتاب ومیزان کا نزول ہوا تھا۔