اصول ومبادی پر تحقیقی نظر

جواب:۔ اس میں کوئی شک نہیں کہ قرآن میں کوئی عام لفظ مذکور ہوتا ہے لیکن اس سے مراد کوئی خاص گروہ یا چندافراد ہوتے ہیں جیسا کہ علامہ جلاالدین سیوطی رحمہ اللہ نے(الاتقان فی علوم القرآن،ج،۲،ص،۳۱،۳۲)میں ذکر کیا ہے اور مثال کے طور پر اس آیت کو پیش کیا ہے(الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ)(سورۃ آل عمران،آیت ۱۷۳) یہ مئومنوں کو لوگوں نے کہا کہ بلاشبہ:لوگوں نے تمھارے مقابلہ کے لئے ایک بڑا لشکر تیار کیا ہے۔ اس آیت مبارکہ میں(الناس)عام لفظ استعمال ہوا ہے لیکن اس سے مراد بعض افراد ہیں کہنے والے بھی اور جمع ہونے والے بھی لیکن اس بات کی معرفت کے لئے ہمیں قرآن کے باہر کی چیز کا سہارا لینا پڑے گا بلکہ ہر شخص کو جو اس کی معرفت حاصل کرنا چاہتا ہے قرآن کے علاوہ اس سے باہر کسی اور چیز کا سہارا لینا پڑیگا۔کیونکہ قرآن مجید خود اس بات کی وضاحت نہیں کرتا :جس شخص کورسول صلی اللہ علیہ وسلم سے محبت ہو گی وہ آپ کی حدیث سے اس معرفت کو حاصل کرے گا۔اور اس کی شرح کو مانے گا جس کو اللہ نے شارح بناکر بھیجا اور اس شرح کی حفاظت کی ذمہ داری بھی اٹھائی ہے۔اور اس کے برعکس جس کو اپنے اکابر و اساتذہ سے محبت ہوگی وہ ان کے اقوال و آراء کی طرف رجوع کرے گا۔جن کی بات کی کوئی ضمانت نہیں کہ وہ بات صحیح ہے یا غلط ہے؟ قارئین کرام آپ خود ہی فیصلہ کریں کہ ان دونوں میں سے بہتر کون ہے؟کیا وہ بہتر ہے جن کو اپنے اکابر اور ان کے کلام سے محبت ہے؟ یا وہ جس کو اللہ کے رسول صلی اللہ علیہ وسلم سے محبت ہے اور ان کے کلام سے محبت کرتا ہے؟ غامدی صاحب نے اس اصول کو بیان کر تے ہویئے ان آیتوں کو ذکر کیا ہے جو ان کے