اصول ومبادی پر تحقیقی نظر

ترجمہ: اور ہم نے تمہاری طرف اس ذکر کو نازل کیا تاکہ تم اس کی وضاحت کردو جو ان کی طرف اتارا گیا ہے‘‘(سورۃ النحل،آیت ۴۴) مثلاً قرآن میں ایک آیت مذکور ہے : ’’وَمَا نَتَنَزَّلُ إِلَّا بِأَمْرِ رَبِّک‘‘ ترجمہ:’’ اور ہم نہیں اترتے مگر تمہارے ربّ کے حکم سے ‘‘(سورۃ مریم،آیت ۶۴) اگر ہم اس سے قبل آیت کا مطالعہ کریں اور پھر اس آیت پر غور کریں تو یہ آیت بغیر حدیث کے سمجھنا نا ممکن ہے اس لئے کہ اس آیت میں اور اس سے قبل آیت میں جمع متکلّم کے صیغے استعمال ہوئے ہیں۔مثلاًاس آیت سے قبل اللہ تعالیٰ فرماتا ہے: ’’تِلْکَ الْجَنَّۃُ الَّتِیْ نُورِثُ مِنْ عِبَادِنَا مَن کَانَ تَقِیّاً‘‘ ترجمہ: یہ وہ جنّت ہے جس کا وارث ہم اپنے بندوں میں سے ان کو بناتے ہیں جو متقین ہیں‘‘(سورۃ مریم،آیت ۶۳) اور اس کے فوراً بعد یہ آیت بھی موجود ہے: ’’وَمَا نَتَنَزَّلُ إِلَّا بِأَمْرِ رَبِّک‘‘ ترجمہ:’’ اور ہم نہیں اترتے مگر تمہارے ربّ کے حکم سے ‘‘(سورۃ مریم،آیت ۶۴) اب اگر بغیر حدیث کے قرآن مجید کی روشنی میں اس کو حل کیا جائے تو اس کا مطلب یہ ہوگا کہ ’’نعوذباللہ‘‘اللہ کا بھی کوئی ربّ ہے اور وہ اس کے حکم کے بغیر نازل نہیں ہوتا۔جبکہ صرف حدیث ہی اس اشکال کو واضح کر تی ہے،جیسا کہ صحیح بخاری میں ہے: ’’عن ابن عباس قال قال رسول اللّٰه صلی اللّٰه علیہ وسلم لجبریل مایمنعک ان تزورنااکثر مما تزورنافنزلت:’’وَمَا نَتَنَزَّلُ إِلَّا بِأَمْرِ رَبِّک‘‘(صحیح بخاری،کتاب التفسیر،تفسیر سورۃ مریم،حدیث ۴۷۳۱) ’’ابن عباس رضی اللہ عنہ سے مروی ہے کہ اللہ کے رسول صلی اللہ علیہ وسلم نے جبریل سے فرمایا کہ ہماری کثرت زیارت