اسماء اللہ الحسنٰی قواعد معارف اور ایمانی ثمرات

’’اللہ کے ساتھ کسی اور کو الٰہ نہ ٹھہراؤ۔‘‘ لیکن بحالت اثبات بھی اس اسم پاک کا استعمال قرآن حمید میں بکثرت ہوا ہے اور اسی لیے ضروری ہے کہ اسمائے حسنیٰ کے ذیل میں اس کا جداگانہ شمار رکھا جائے۔ ﴿وَاِلٰہُکُمْ اِلٰہٌ وَّاحِدٌ ﴾ (بقرہ، ابراہیم، نحل) ’’تمہارا تو وہی واحد الٰہ ہے۔‘‘ ﴿وَہُوَ الَّذِیْ فِی السَّمَآئِ اِِلٰہٌ وَفِی الْاَرْضِ اِِلٰہٌ﴾ (الزخرف: ۸۴) ’’وہی ہے جو آسمان میں الٰہ ہے اور جو زمین میں الٰہ ہے۔‘‘ ﴿لَّآ اِلٰہَ اِلَّآ اَنْتَ سُبْحٰنَکَ﴾ (الانبیاء: ۸۷) ’’الٰہ تو ہے تیرے سوا اور کوئی الٰہ نہیں ، تو پاک ہے۔‘‘ ﴿نَعْبُدُ اِلٰہَکَ وَ اِلٰہَ اٰبَآئِکَ﴾ (البقرۃ: ۱۳۳) ’’تیرے الٰہ کی اور تیرے آباء و اجداد کے الٰہ کی ہم عبادت کیا کریں گے۔‘‘ مبارک ہے وہ انسان جسے اللہ تعالیٰ ایسا فائز المرام فرمائے۔ اَلْعَلَّامُ ’’بہت زیادہ جاننے والا‘‘ اب یہ یاد رکھنا چاہیے کہ صفت مشبہ یہ ہے کہ جس کا تعلق مطلقاً ذات و صف سے ہوتا ہے اور اس میں زمان و مکاں کا کوئی اعتبار نہیں ہوتا۔ اس لیے صفت مشبہ میں استقرار و دوام ہوتا ہے۔ فَعِیْل صفت مشبہ کے اوزان میں سے ہے۔[1] مبالغہ میں موصوف کا اس صفت سے بکثرت موصوف ہونا مراد ہوتا ہے۔ فَعَّال اوزان مبالغہ میں سے ہے اور عَلَّام جو اس کے وزن پر ہے ظاہر کرتا ہے کہ صفت علم کا رب العالمین کی ذات پاک کے ساتھ بکثرت ارتباط ہے۔

[1] سفت مشبہ عموماً ابواب ثلاثی مجرد سے آتی ہے۔ ہاں اگر دلالت فعل کسی رنگ یا عیب یا حلیہ پر ہو تب صفت مشبہ کا بوزن افعل ہونا ضروری ہوتا ہے۔ دیکھو اسود، اعرج، ابلج۔ (ہنس مکھ، پرسکون)