اسماء الحسنیٰ(عثمان صفدر)

103۔الدیان حاکم،قاضی اللہ حاکم اور قاضی ہے جو لوگوں کو ان کے اعمال کےمطابق جزادیتا ہے۔ قرآن مجید میں یہ نام موجود نہیں ہے،البتہ حدیث میں ثابت ہے۔ ارشاد نبوی صلی اللہ علیہ وسلم : ’’.......فَيُنَادِيھمْ بِصَوْتٍ يَسْمَعُهُ مَنْ بَعُدَ كَمَا يَسْمَعُهُ مَنْ قَرُبَ: أَنَا المَلِكُ، أَنَا الدَّيَّانُ‘‘ ’’۔۔۔پھر وہ ان کو آواز دے گا جسے دور والے بھی قریب والوں کی طرح سنیں گے کہ میں ہی بادشاہ ہو،میں ہی فیصلہ کرنے والا۔‘‘(حاکم:2؍475) 104۔الشافی شفادینےوالا جو لوگوں کے جسمانی اور قلبی امراض کا حقیقی عالم اور ان امراض کی شفا پر مکمل قدرت رکھتا ہے،شفا صرف وہی دیتا ہے،بیماریوں کو اس کے علاوہ کوئی اور دور نہیں کر سکتا۔اس کی شریعت میں ساری انسانیت کے لیے شفا ہے۔ قرآن مجید میں یہ نام موجود نہیں ہے،البتہ حدیث میں ثابت ہے۔ ارشاد نبوی صلی اللہ علیہ وسلم : اللَّهُمَّ رَبَّ النَّاسِ أَذْهِبِ البَاسَ، اشْفِهِ وَأَنْتَ الشَّافِي لَا شِفَآءَ إِلاَّ شِفَاؤُكَ ، اے لوگوں کے رب،بیماری کو دورفرمادے اورشفادیدے بے شک تو ہی شفا دینے والا ہے۔(بخاری : 5743) 105۔الحیی بےحدحیادار اللہ تعالیٰ کی حیا مخلوق کی حیا سے مختلف اوراس کی ذات کے شایانِ شان ہے ،جو کہ جودوسخا اور کرم نوازی کی صورت میں ہے۔قرآن مجید میں یہ نام موجود نہیں ہے،البتہ حدیث میں ثابت ہے۔ ارشاد نبوی صلی اللہ علیہ وسلم :إِنَّ اللہَ عَزَّ وَجَلَّ حَيِيٌّ سِتِّيرٌ(ابوداؤد : 4012) اللہ عزوجل حیاد اراور عیب پوشی کرنے والا ہے،حیااور عیب پوشی کو پسند کرتا ہے۔