اسماء الحسنیٰ(عثمان صفدر)

74، 75۔المقدم المؤخر آگے بڑھانےوالا،پیچھےہٹانےوالا جوچیزوں کے درجات طے کرتا ہے،پھر اپنے علم وحکمت اورعدل کےتقاضوں کے مطابق جسے چاہتا ہےآگے بڑھاتا اور جسے چاہتا ہےپیچھے ہٹا دیتا ہے ،مخلوق کی پیدا ئش سے پہلےان کی قسمتیں طے فرماتا ہے،وہ جسے آگے بڑھادے اس کو کوئی پیچھے نہیں کرسکتا، اور جسےوہ پیچھے کر دےاسے کوئی آگے نہیں کر سکتا ۔ قرآن مجید میں یہ نام موجود نہیں ہے،البتہ حدیث میں ثابت ہے۔ نبی اکرم صلی اللہ علیہ وسلم کا فرمان ہے:اَنْتَ المُقَدِّمُ، وَأَنْتَ المُؤَخِّرُ توہی آگے بڑھانے والا اور پیچھے ہٹانے والا ہے۔(بخاری:1120) 76، 77۔الأٔول ، الآخر اول و آخر الا ٔول : وہ جس سے قبل کچھ نہ تھا اور اس کے علاوہ سب عدم سے وجود میں آیا۔ الآخر : باقی رہنے والا، جس کے وجود کی کوئی انتہا نہیں ، اور اس کے بعد کچھ نہیں ۔قرآن مجید میں یہ دونوں نام ایک ایک مرتبہ آئے ہیں ۔ ﴿هُوَ الْاَوَّلُ وَالْاٰخِرُ وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيْمٌ﴾ وہی اول بھی ہے اور آخر بھی، ظاہر بھی ہے اور مخفی بھی اور وہ ہر چیز کا علم رکھتا ہے۔ (الحدید :3) 78، 79۔الظاہر الباطن ظاہر و مخفی یعنی ہر چیز پر غالب ، کوئی اس سے بلند نہیں ، چنانچہ وہی سب سے بلند ہے۔ الباطن : مخفی ، تمام چیزوں سے قریب ترین اور تمام نیتوں اور ارادوں سے آگاہ ، اس سے زیادہ قریب کوئی نہیں ۔ قرآن مجید میں یہ دونوں نام ایک مرتبہ آئے ہیں ۔ ﴿هُوَ الْاَوَّلُ وَالْاٰخِرُ وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيْمٌO﴾ وہی اول بھی ہے اور آخر بھی، ظاہر بھی ہے اور مخفی بھی اور وہ ہر چیز کا علم رکھتا ہے۔ (الحدید :3) 80۔البر محسن ظاہری اور باطنی نعمتوں میں ڈھانپ دینے والا ، جس کے احسانات سے اس کی مخلوق ایک لمحہ کے لیےبھی بےنیاز نہیں ہوسکتی،وہ نیکی کرنے والےمسلمانوں کو کئی گنا زیادہ ثواب وجزا سے نوازتا ہے،ان کے گناہوں کو معاف کرتا ہے اور وعدوں کو پورا کرتا ہے۔ قرآن مجید میں اس نام کا ذکر ایک بار ہوا ہے۔﴿اِنَّهٗ هُوَ الْبَرُّ الرَّحِيْمُ ﴾ وہ واقعی بڑا ہی محسن اور رحیم ہے۔(طور:28)