اسماء الحسنیٰ(عثمان صفدر)

29، 30۔القابض الباسط روحیں قبض کرنے والا،رزق کو تنگ اورکشادہ کرنے والا رزق،روح اور جانوں کو قبض کرنے والا۔رزق،رحمت اوردلوں کوکھولنےوالا،وہ اپنے ہاتھوں کوپھیلاتا ہے تاکہ مومنین اس کی طرف رجوع کریں ۔ان دونوں ناموں کو الگ الگ کرنا درست نہیں ہے۔قرآن مجید میں یہ نام موجود نہیں ہے،البتہ حدیث میں ثابت ہے۔ نبی صلی اللہ علیہ وسلم کا فرمان ہے: إِنَّ اللہَ هُوَ المُسَعِّرُ، القَابِضُ، البَاسِطُ۔ اللہ تعالیٰ ہی قیمتیں مقرر فرماتاہے،وہی رزق تنگ اور کشادہ کرنے والا ہے۔(ترمذی) 31۔السمیع سب کچھ سننے والا جو تمام راز کی باتوں اور سرگوشیوں کو سنتا ہے۔ جو اپنے بندے کے اقوال اور اپنی مخلوقات کی تمام بولیوں کوسنتا ہے،اس سے کوئی بھی بات چھپی نہیں رہ سکتی،وہ مانگنے والوں کی دعائیں سنتا اور قبول فرماتاہے۔ قرآن مجید میں یہ نام 45 بار آیا ہے۔ ﴿وَهُوَ السَّمِيْعُ الْبَصِيْرُ ﴾وہ سب کچھ سننے والااور دیکھنے والا ہے۔(الشوریٰ:11) 32۔البصیر سب کچھ دیکھنے والا وہ ہستی جس کی نظروں سے کائنات کی کوئی ادنیٰ ترین اور پوشیدہ ترین چیز بھی چھپی نہیں ہے،وہ ہر چیز سے باخبر ہے۔قرآن مجیدمیں یہ نام 42بار آیاہے۔ ﴿اِنَّهٗ بِعِبَادِهٖ خَبِيْرٌ بَصِيْرٌ﴾ وہ یقیناً اپنے بندوں کے بارے میں باخبر،اور سب کچھ دیکھنے والا ہے۔(الشوریٰ:27) 33 ،34۔الحکم خیر الحاکمین حاکم،بہترین فیصلہ کرنے والا وہ جو اپنےبندوں کے لیےدنیا و آخرت کے شرعی،تقدیری،اور جزائی فیصلے عدل و انصاف کے ساتھ کرتا ہے۔ قرآن مجید میں اسم’’الحکم‘‘ایک بار،’’احکم الحاکمین‘‘5 بار آیا ہے۔ ﴿اَفَغَيْرَ اللّٰهِ اَبْتَغِيْ حَكَمًا﴾ تو کیا میں اللہ کے سوا کوئی فیصلہ کرنے والاتلاش کروں ؟(الانعام:114) ﴿ وَھُوَ خَيْرُ الْحٰكِمِيْنَ ﴾اورو ہی بہترین فیصلہ کرنے والا ہے۔(یونس :109)