اسماء الحسنیٰ(عثمان صفدر)

15۔الباری پیداکرنےوالا عدم سے وجود میں لانےوالا،اپنی بنائی ہوئی تقدیروں ،اور فیصلوں کو اپنے طے کیے ہوئے طریقوں سے نافذ کرنے والا۔ قرآن مجید میں یہ نام 3 مرتبہ آیا ہے۔ ﴿هُوَ اللّٰهُ الْخَالِقُ الْبَارِئُ الْمُصَوِّرُ لَهُ ﴾ وہ اللہ ہی ہے پیدا کرنے والا عدم سے وجود بخشنےوالا صورت بنانے والا۔(الحشر:24) 16۔المصور صورت گری کرنےوالا جو اپنی مرضی کے مطابق چیزوں کی تخلیق فرماتاہے،اور ان چیزوں کو اپنی حکمت کے مطابق صورت دیتا ہے۔قرآن مجید میں یہ نام ایک بار آیاہے۔ ﴿هُوَ اللّٰهُ الْخَالِقُ الْبَارِئُ الْمُصَوِّرُ ﴾ وہ اللہ ہی ہے پیدا کرنے والا عدم سے وجود بخشنےوالا صورت بنانے والا۔(الحشر:24) 17، 18، 19۔الغفور ،الغفار،غافرالذنوب گناہ معاف کرنےوالا جو گناہوں کو معاف کرتا ہےاور ہر توبہ کرنے والے کی توبہ قبول کرتا ہے۔اپنے بندوں کے گناہوں سے چشم پوشی کرتا ہے۔اوران کے اوپر اپنی الفت و رحمت کا سایہ کرتا ہے۔ ’’الغفار‘‘مبالغہ کا صیغہ ہے،بے انتہا مغفرت کرنےوالا۔قرآن میں ’’الغفور‘‘91 بار،’’الغفار‘‘5 بار،’’غافر الذنب‘‘ایک بار آیا ہے۔ ﴿اِنَّ اللّٰهَ هُوَ الْغَفُوْرُ الرَّحِيْمُ﴾بے شک اللہ تعالیٰ بخشنےوالا ،اورنہایت رحم کرنے والا ہے۔(الشوریٰ:5) ﴿اَلَا هُوَ الْعَزِيْزُ الْغَفَّارُ﴾ یقین مانو کہ وہی غالب اوربے حد بخشنے والا ہے(الزمر:5) ﴿غَافِرِ الذَّنْبِ وَقَابِلِ التَّوْبِ﴾گناہ معاف اور توبہ قبول کرنے والا ہے(غافر:3) 20،21۔القاھر القہار غالب جس کےآگے تمام مخلوقات اور سارے زور آورسرنگوں ہیں ،ہر چیز پر اس کو مکمل غلبہ حاصل ہے،کائنات کی ہر چیز اس کی عظمت ،جلال اور کبریائی کی وجہ سے اس کی اطاعت گزار ہے۔قرآن مجیدمیں اسم’’القاہر‘‘ دو مرتبہ اور اسم’’القہار‘‘6 مرتبہ آیا ہے۔ ﴿وَّهُوَ الْوَاحِدُ الْقَهَّارُ ﴾وہ یکتاہے،سب پر غالب۔ (الرعد16) ﴿وَهُوَ الْقَاهِرُ فَوْقَ عِبَادِهِ ﴾وہ اپنے بندوں پر مکمل اختیاررکھتا ہے۔(الانعام18)