عصر حاضر میں اجتماعی اجتہاد جلد 2

زیدان حفظہ اللہ وغیرہ نے بیان کیا ہے۔ [1] دوسری رائے قتادہ‘ ربیع اور ابن اسحاق رحمہم اللہ کی ہے۔ اس رائے کی نسبت امام شافعی رحمہ اللہ کی طرف بھی کی گئی ہے۔ [2]ڈاکٹرمحمدعبد القادر أبو فارس حفظہ اللہ نے یہ وضاحت تفصیل سے بیان فرمائی ہے کہ امام شافعی رحمہ اللہ نے جو مشاورت کو مستحب قرار دیا ہے تو ان کا یہ قول قضاۃ کے بارے میں تومروی ہے لیکن حکمران کے بارے میں نہیں ہے۔ [3] دوسرا نکتہ‘ جس میں علماء کے مابین اختلاف ہے‘ وہ یہ ہے کہ اگر کسی مسئلے میں حاکم وقت مجلس شوری سے مشاورت کرے اور دونوں کی رائے میں اختلاف ہو جائے تو اس صورت میں کس کی رائے پر عمل ہو گا۔ جمہور علماء کا موقف یہ ہے کہ اختلاف کی صورت میں حکمران شوری کی رائے کا پابند ہو گا جبکہ علماء کے ایک دوسرے گروہ کا کہنا یہ ہے کہ آخری فیصلے کا اختیار حکمران کا حق ہے۔ ڈاکٹر عبد القادرأبو الفارس حفظہ اللہ لکھتے ہیں : ’’ فإذا استشار الحاکم الأمۃ امتثالاً لأمر اللّٰہ الذی أوجب علیہ أن یستشیر‘ فرأی أھل الشوری رأیاً یخالف رأی الحاکم فماذا یفعل؟ ھل یصیر علی رأیہ وینفذہ علی الرغم من مخالفۃ أھل الشوری لہ أومعظمھم؟ ھل یتنازل عن رأیہ ویأخذ برأی أھل الشوری الذی یخالف رأیہ؟ فإن أخذ بالأمر الأول فالشوری تکون فی حقہ معلمۃ وإن أخذ بالأمر الثانی فالشوری تکون فی حقہ ملزمۃ۔ ‘‘[4] ’’پس جب حاکم اللہ کے اس حکم پر عمل کرتے ہوئے کہ جس میں اس پر مشورہ کرنے کو واجب قرار دیاگیا ہے‘ کسی مسئلے میں امت سے مشورہ کرے اور اہل شوری کی رائے حاکم کی رائے سے مختلف ہوتو حاکم کیا کرے گا؟کیاوہ اپنی رائے پر قائم رہتے ہوئے شوری یا اس کی اکثریت کی مخالفت کے باوجود بھی اپنی رائے کو نافذ کرے گا؟یا وہ اپنی رائے سے نیچے اترے گا اور اپنی رائے کے مخالف شوری کی رائے کو اختیار کر لے گا؟پہلی صورت میں شوری کی حیثیت حکمران کے حق میں ایک خبر و اطلاع دینے والے ادارے کی سی ہو گی اور دوسری صورت میں شوری کی حیثیت حکمران کے حق میں اس پر کوئی رائے لازم کرنے والی جماعت کی سی ہوگی۔ ‘‘ پہلی رائے امام أبوبکر جصاص‘امام ابن عطیہ‘امام ابن تیمیہ‘ امام قرطبی‘شیخ أحمد حسن البناء‘ علامہ طاہر بن عاشور‘ استاذ أحمد محمد شاکر رحمہم اللہ، أستاذ عبد الکریم زیدان ‘أستاذ حسن ہویدی اور ڈاکٹر محمد سعید رمضان البوطیjکی ہے۔ [5]جبکہ جمہور کی رائے دوسری ہے۔ دوسری رائے کو اختیارکرنے والے علماء میں استاذ أبو الأعلی مودودی‘ شیخ شلتوت‘استاذ عبد الکریم زیدان کی آخری رائے‘ استاذ عبد القادر عودۃ‘ استاذ محمد عبدہ‘أستاذ محمد عبد الرشید رضا‘ ڈاکٹر محمد سلیم العوا‘ استاذ سید قطب‘ استاذ شیخ أحمد مصطفی المراغی‘ ڈاکٹرأحمدعبد المنعم البھی‘ شیخ محمد الغزالی‘ استاذ محمد أسد‘ أستاذ محمود المرداوی‘ استاذ طہ سرور‘ أستاذ أحمدشلبی‘ ڈاکٹر مصطفی أبو زید رحمہم اللہ ‘ استاذ فتحیعثمان‘ ڈاکٹر زکریا عبد المنعم الخطیب‘ شیخ عبد الرحمن عبد الخالق‘ ڈاکٹر محمد عبد القادر أبو فارس‘ استاذ محمد محمود حجازی‘ ڈاکٹر محمد ضیاء الدین الریس‘أستاذ اسماعیل بدوی‘استاذ یحی اسماعیل‘ ڈاکٹر محمد سعادجلال‘ شیخ مصطفی عاصی اور ڈاکٹر عبد الحمید الأنصاری حفظہم اللہ وغیرہ شامل ہیں۔ [6] مولانا گوہر رحمان حفظہ اللہ کا کہنایہ ہے کہ اگر کسی مسئلے میں حاکم وقت اور شوری کے مابین اختلاف ہو جائے تو اس مسئلے کو فقہاء پر مشتمل کسی عدالت میں پیش کیا جائے اور فقہاء جس کے حق میں رائے دے دیں ‘ اس کے فیصلے کو نافذ کر دیا جائے۔ وہ لکھتے ہیں : ’’مشورہ اگرچہ ہر شہری دے سکتا ہے اورتنقید و محاسبہ بھی کر سکتاہے لیکن امور مملکت کے فیصلے قوم کے معتمد اور مومنین عرفاء و نقباء پر مشتمل

[1] الشوری فی الإسلام: ۲؍ ۷۳۰۔ ۷۳۸ [2] أیضاً: ص۷۵۹ [3] أیضاً: ص۷۶۰۔ ۷۶۱ [4] أیضاً: ص۷۷۰ [5] أیضاً: ص۷۲۱۔ ۷۲۲ [6] أیضاً: ص۸۱۵۔ ۸۱۷