عصر حاضر میں اجتماعی اجتہاد جلد 2

2۔ سلف کے دوسرے قول کے مطابق آپ کو صحابہ رضی اللہ عنہم سے مشورہ کرنے کا حکم جاری کرنے میں اصل حکمت یہ تھی کہ کسی مسئلے میں تدبیر کرتے ہوئے صحیح رائے کا حصول ممکن ہواور اسی وجہ سے مشورہ کو افضل بھی قرار دیا گیا ہے۔ امام ابن جریر طبری رحمہ اللہ اس آیت مبارکہ کی تفسیر میں حضرت ضحاک بن مزاحم رحمہ اللہ کا قول نقل کرتے ہوئے لکھتے ہیں : ’’ ما أمر اللّٰہ عز وجل نبیہ صلی اللّٰہ علیہ وسلم بالمشورۃ‘ إلا لما علم فیھا من الفضل۔ ‘‘[1] ’’اللہ سبحانہ و تعالیٰ نے اپنے نبی صلی اللہ علیہ وسلم کو صرف اسی لیے مشورہ کا حکم دیا ہے کہ مشورہ کرنے میں فضیلت ہے۔ ‘‘ اس رائے کا اظہار حضرت حسن بصری رحمہ اللہ نے بھی کیا ہے۔ [2] 3۔ متقدمین مفسرین کے تیسرے قول کے مطابق اللہ سبحانہ و تعالیٰ نے اپنے رسول صلی اللہ علیہ وسلم کو اپنے صحابہ رضی اللہ عنہم سے مشورہ کا حکم اس لیے دیا ہے کہ بعد میں آنے والی امت کے لیے ان مسائل میں مشورہ کرنے‘ کہ جن کے بارے میں قرآن وسنت میں کوئی صریح حکم نہیں ہے‘ کے بارے میں ایک سنت جاری ہوجائے۔ امام ابن جریر طبری رحمہ اللہ اس آیت کی تفسیر میں حضرت سفیان بن عیینہ رحمہ اللہ کا قول نقل کرتے ہوئے لکھتے ہیں : ’’ ھی للمؤمنین‘ أن یتشاروا فیما لم یأتھم عن النبی صلی اللّٰہ علیہ وسلم فیہ أثر۔ ‘‘[3] ’’یہ حکم اصل میں اہل ایمان کے لیے ہے کہ وہ ان مسائل میں مشورہ کریں کہ جن میں اللہ کے نبی صلی اللہ علیہ وسلم سے کوئی اثر مروی نہیں ہے۔ ‘‘ اس آیت مبارکہ کی تفسیر میں مفسر قرآن حضرت عبد اللہ بن عباس رضی اللہ عنہما کا بھی ایک قول منقول ہے۔ اس قول کے مطابق آپ کو اس آیت میں بعض مخصوص صحابہ رضی اللہ عنہم سے مشورہ کرنے کا حکم جاری فرمایا گیا۔ امام حاکم رحمہ اللہ فرماتے ہیں : ’’ عن ابن عباس فی قولہ اللّٰہ عز و جل ﴿وَ شَاوِرْھُمْ فِی الْاَمْرِ ﴾ قال أبو بکر وعمر رضی اللّٰہ عنھما۔ ‘‘[4] ’’حضرت عبد اللہ بن عباس رضی اللہ عنہما سے مروی ہے کہ’وَ شَاوِرْھُمْ فِی الْاَمْرِ ‘میں آپ کو یہ حکم دیاگیا کہ آپ صلی اللہ علیہ وسلم حضرت أبو بکرو عمر رضی اللہ عنہما سے مشورہ کریں۔ ‘‘ مفسرین کی ایک بڑی جماعت کا خیال یہی ہے کہ اس آیت میں أمر کا صیغہ وجو ب کے لیے ہے یعنی آپ صلی اللہ علیہ وسلم کے لیے اپنے صحابہ رضی اللہ عنہم سے مشورہ کرناواجب تھا۔ ڈاکٹر أحمد علی الإمام لکھتے ہیں : ’’والمختار الذی علیہ جمھور الفقھاء ومحققو الأصول أن الأمر للوجوب وقرر الإمام ابن حجر العسقلانی أن الصحیح المختار ھو وجوب الشوری وعلی ذلک أیضا مذھب الأحناف حیث یقول الإمام الجصاص فی تفسیر قولہ ﴿ وَاَمْرُہُمْ شُوْرٰی بَیْنَہُمْ ﴾ھذا یدل علی جلالۃ موقع المشورۃ لذکرھا مع الإیمان وإقامۃ الصلاۃ‘ ویدل علی أننا مأمورون بھا وھذا ما ذھب إلیہ الإمام الرازی حیث یقول: ظاھر الأمر الوجوب فی قولہ تعالی: ﴿وَ شَاوِرْھُمْ ﴾ وھو یقتضی الوجوب۔ ‘‘[5] ’’ راجح قول ‘کہ جس کو محققین فقہاء اور جمہور اصولیین نے اختیار کیاہے‘ کے مطابق فعل أمر وجوب کا فائدہ دیتا ہے۔ امام ابن حجر

[1] تفسیر الطبری: ۷؍ ۳۴۴ [2] أیضاً [3] أیضاً:ص۳۴۵ [4] المستدرک علی الصحیحین‘ کتاب معرفۃ الصحابۃ‘ باب أما حدیث ضمرۃ وأبوطلحۃ (۴۴۳۶)‘ ۳؍ ۷۴۔ [5] Dr. Ahmed Ali Alimam, Nazratun Muaasaratun fi Fiqh ish Shura, Retrieved August 29,2009, from http://www.dahsha.com/viewarticle.php?id=28890