عصر حاضر میں اجتماعی اجتہاد جلد 2

پہلا باب : أمت اسلامیہ پہلا باب امت اسلامیہ کے بارے میں ہے۔ ا س باب میں چار آرٹیکل بیان کیے گئے ہیں جو درج ذیل ہیں : ’’۱۔ المسلمون أمۃ واحدۃ۔ ۲۔ یجوز أن تتعدد الدول فی الأمۃ الإسلامیۃ وأن تتنوع أشکال الحکم فیھا۔ ۳۔ یجوز للدولۃ أن تتحد مع دولۃ إسلامیۃ أو أکثر فی الشکل الذی یتفق علیہ۔ ۴۔ یقوم الشعب بمراقبۃ الإمام وأعوانہ وسائر الحکام ومحاسبتھم وفق أحکام الشریعۃ الإسلامیۃ۔ ‘‘[1] ’’۱۔ مسلمان ایک امت ہیں۔ ۲۔ امت مسلمہ میں ایک سے زائد ممالک اور ان میں متنوع أشکال کی حکومتوں کا وجود جائز ہے۔ ۳۔ کسی بھی اسلامی مملکت کے لیے یہ جائز ہو گا کہ وہ ایک یا ایک سے زائد ریاستوں کے ساتھ کسی متفق علیہ صورت میں اتحاد قائم کرے۔ ۴۔ قوم ‘امام وقت ‘اس کے أعوان و انصار اور بقیہ تمام حکام کی نگرا ن ہو گی اور ان کا محاسبہ شرعی أحکام کے مطابق ہو گا۔ ‘‘ دوسرا باب : اسلامی معاشرے کی بنیادیں دوسرا باب اسلامی معاشرے کی بنیادوں کے بارے میں ہے۔ اس باب میں ۱۳ آرٹیکل ہیں۔ پہلے پانچ آرٹیکل باہمی تعاون‘ أمر بالمعروف و نہی عن المنکر‘ خاندان اور ریاست کی طرف سے بنیادی طبی سہولیات کی فراہمی کے بارے میں ہیں۔ دستور میں ہے: ’’۵۔ التعاون والتکافل أساس المجتمع۔ ۶۔ الأمر بالمعروف والنھی عن المنکر فرض ویأثم من یقصر فیہ مع القدرۃ علیہ۔ ۷۔ الأسرۃ أساس المجتمع‘ قوامھا الدین والأخلاق وتکفل الدولۃ دعم الأسرۃ وحمایۃ الأمویۃ ورعایۃ الطفولۃ وتھیئۃ الوسائل المحققۃ لذلک۔ ۸۔ حمایۃ الأسرۃ واجب الدولۃ بالتشجیع علی الزواج وتیسیر أسبابہ المادیۃ بالإسکان والمعونات الممکنۃ وتکریم الحیاۃ الزوجیۃ وتھیئۃ الوسائل لحسن تبعل المرأۃ لزوجھا وخدمۃ أولادھا واعتبار العنایۃ بالأسرۃ أول واجباتھا۔ ۹۔ العنایۃ بسلامۃ الأمۃ وصحۃ الأفراد واجب الدولۃ وعلیھا توفیر الخدمات الطبیۃ المجانیۃ للواطنین من وقائیۃ وعلاجیۃ۔ ‘‘[2] ’’۵۔ باہمی تعاون اور کفالت اسلامی معاشرے کی بنیاد ہے۔ ۶۔ أمر بالمعروف اور نہی عن المنکرفرض ہے اور جو اس پرقدرت کے باوجود اس میں کوتاہی کرتا ہے تو گناہ گار ہے۔ ۷۔ خاندان‘ معاشرے کی بنیادی اکائی ہے۔ دین اور اخلاق حسنہ اس کا تنا ہیں۔ اسلامی مملکت خاندان کی تقویت‘ قوم کی حفاظت ‘ بچپن کی نگہداشت اور اس کے لیے مطلوبہ وسائل مہیاکرنے کی ذمہ دار ہو گی۔ ۸۔ خاندان کی نگہداشت‘ ریاست کے بنیادی فرائض میں شامل ہے اور ریاست شادی پر ابھارنے‘ اس کے مادی أسباب مثلاً رہائش‘ ممکنہ امداد کی فراہمی اور ازدواجی زندگی کو عزت بخشنے کے اقدمات کے ذریعے اس فریضے کو پور ا کر ے گی۔ ریاست اس لیے بھی وسائل مہیا کرے گی کہ ایک عورت کے لیے حق زوجیت کی ادائیگی‘ اپنی اولاد کی خدمت اور اپنے تمام فرائض میں خاندان کو ترجیح دینے میں آسانیاں پیدا ہوں۔ ۹۔ أمت کی سلامتی اور افراد کی صحت کی ذمہ داری اسلامی ریاست پر عائد ہوتی ہے لہذا مملکت اپنے شہریوں کو بیماریوں سے بچاؤ اور علاج کی مفت طبی سہولیات فراہم کرنے کی ذمہ دار ہو گی۔ ‘‘ تعلیم‘ عورتوں کے دائرہ کار‘ زبان اور ولایت کے بارے میں بھی کئی ایک رہنما أصول وضع کیے گئے ہیں۔ ڈاکٹرمصطفی کمال وصفی رحمہ اللہ ان کو بیان کرتے ہوئے لکھتے ہیں : ’’۱۰۔ طلب العلم فریضۃ والتعلیم واجب الدولۃ وافقاً للقانون۱۱۔ التربیۃ الدینیۃ منھج أساسی فی

[1] مصنفۃ النظم الإسلامیۃ الدستوریۃ:ص۶۸۳۔ ۶۸۴ [2] أیضاً:ص۶۸۵۔ ۶۸۷