عصر حاضر میں اجتماعی اجتہاد جلد 2

فصل سوم جامعہ أزہر کے علماء کا مجوزہ آئین برائے اسلامی ریاست اسلامی ریاست ایک نظریاتی ریاست ہے لہذا اسلامی ریاست کا آئین ایک اسلامی آئین ہوناچاہیے جو قرآن سنت کے أصول و ضوابط کی روشنی میں مدون ہو۔ اس مقصد کے لیے علماء نے مختلف ادوار میں اجتماعی کوششوں سے کئی ایک آئین مرتب کیے۔ معروف مصری تحریک ’الاخوان المسلمون‘ سے علیحدہ ہونے والی تنظیم ’حزب التحریر‘سے متعلقہ اہل علم نے بھی اسلامی ریاست کے لیے ایک دستور مرتب کیا تھا۔ کچھ عرصہ پہلے افغانستان میں قائم ہونے والی طالبان حکومت کی طرف سے اسلامی ریاست کا مرتب کردہ دستور دیکھنے کو ملا۔ راقم الحروف نے اس کا عربی سے اردو ترجمہ بھی کیا تھا۔ اسی طرح کا ایک دستور جامعہ أزہر اور مجمع البحوث الإسلامیۃ‘ القاھرۃکے علماء نے بھی ۱۹۷۷ء مرتب کیا تھا۔ ہماری اس فصل کا موضوع اس اسلامی آئین و دستور کا تعارف ہے۔ دستور و آئین کی تیاری کا مقصد مجمع البحوث الإسلامیۃ‘ القاھرۃکے علماء کی ایک کانفرنس میں اسلامی دستور و آئین کی تیاری کا درج ذیل مقصد بیان کیا گیا۔ ڈاکٹر مصطفی کمال وصفی رحمہ اللہ لکھتے ہیں : ’’یوصی المؤتمر أن یقوم الأزھر ومجمع البحوث الإسلامیۃ بصفۃ خاصۃ بوضع دستور إسلامی لیکون تحت طلب أیۃ دولۃ ترید أن تأخذ الشریعۃ الإسلامیۃ منھاجاً لحیاتھا۔ ویؤخذ فی الاعتبار عند وضع ھذا الدستور أن یعتمد علی المبادی المتفق علیھا بین المذاھب الإسلامیۃ کلما أمکن ذلک۔ وتنفیذا لھذہ التوصیۃ قرر مجلس مجمع البحوث الإسلامیۃ بجلستہ المنعقدۃ فی ۱۱ من المحرم ۱۳۹۸ھ الموافق ۳۱ دیسمبر۱۹۷۷م إسناد وضع ھذا المشروع إلی لجنۃ الأبحاث الدستوریۃ الإسلامیۃ بالمجمع علی أن یدعی لھذا الاجتماع الشخصیات التی یمکن أن تسہم فی وضع ھذا المشروع۔ ‘‘[1] ’’کانفرنس اس بات کی وصیت کرتی ہے کہ جامعہ أزہر اور مجمع البحوث الإسلامیہ کے علماء ایک اسلامی دستوروضع کرنے کے لیے ایک خاص ترتیب سے کام کا آغاز کریں تا کہ کسی بھی اسلامی مملکت کے لیے اپنا منہج حیات‘ شریعت اسلامیہ کے مطابق کرنا آسان ہو جائے۔ اس دستور کو وضع کرنے کے دوران مذاہب اسلامیہ کے متفق علیہ مبادیات پر ممکن حد تک اعتماد کیا جائے گا۔ اس قرارداد کی تنفیذ کے لیے مجمع البحوث الإسلامیہ کی مجلس منعقدہ بتاریخ ۱۱ محرم ۱۳۹۸ھ یعنی ۳۱ دسمبر ۱۹۷۷ء میں مجمع نے یہ پروگرام اپنی اسلامی دستور کی ذیلی کمیٹی کے سپرد کر دیا تا کہ وہ ان معروف فقہاء کا تعین کر سکیں جو اس پروگرام میں حصہ ڈال سکیں۔ ‘‘ آئین کی تیاری میں شریک علماء ’’بناء علی ذلک قام فضیلۃ الإمام الأکبر الدکتور عبد الحلیم محمود شیخ الأزھر ورئیس المجمع بتکوین لجنۃ علیا ضمت بجانب السعادۃ أعضاء لجنۃ الأبحاث الدستوریۃ بالمجمع نخبۃ من کبار الشخصیات المشتغلین بالفقہ الإسلامی والقانون الدستوری لتتولی ھذہ المھمۃ۔ ‘‘[2] ’’اس بنیاد پر شیخ الأزہر اورصدر ِمجمع امام ڈاکٹر عبد الحلیم محمود رحمہ اللہ نے ایک اعلی علمی کمیٹی کی تشکیل کی خاطر مجمع کی دستوری تحقیقی کمیٹی کے

[1] مصنفۃ النظم الإسلامیۃ الدستوریۃ:ص۶۸۱ [2] أیضاً