عصر حاضر میں اجتماعی اجتہاد جلد 2

وقبضہ کی حقیقت و کیفیات کو بیان کیا گیا ہے۔ دوسری فصل مبیع کو روک لینے کے مسائل پر مشتمل ہے۔ تیسری فصل سپردگی و حوالگی کے جائے مقام کے بارے میں ہے۔ چوتھی فصل سپردگی و حوالگی کے اخراجات اور اس کی تکمیل کے لوازمات پر ہے۔ پانچویں فصل مبیع کے ضائع ہو جانے کے بارے میں ہے۔ چھٹی فصل خریداری کے مابین یا مبیع کو دیکھتے ہوئے بھاؤ تاؤ طے کرنے میں مبیع کے ضائع ہو جانے کے مسائل پر مشتمل ہے۔ اس باب میں کل ۳۸ مادے بیان ہوئے ہیں اور اب تک کل ۲۹۹ مادے ہو چکے ہیں۔ چھٹا باب اختیارات کے بارے میں ہے۔ اس میں کل سات فصول ہیں۔ پہلی فصل اختیار شرط‘دوسری اختیار وصف‘تیسری اختیار قیمت‘ چوتھی اختیار تعیین‘ پانچویں اختیار رؤیت‘ چھٹی اختیار عیب اور ساتویں دھوکے اور تعزیر کے بارے میں ہے۔ اس باب میں کل ۶۱ مادے ہیں اور اب تک کل مادے ۳۶۰ ہو گئے۔ ساتواں باب بیع کی اقسام اور ان کے أحکام پر مشتمل ہے۔ اس باب میں چھ فصول ہیں۔ پہلی فصل بیع کی اقسام‘ دوسری ان کے أحکام‘ تیسری بیع سَلم‘ چوتھی بیع استصناع‘ پانچویں مریض کی بیع کے أحکام اور چھٹی بیع وفاء کے بارے میں ہے۔ اس باب میں کل ۴۳ مادے بیان ہوئے ہیں اور اب تک کل ۴۰۳ مادے ہوگئے۔ اس کتاب کی تکمیل ۲ ذی الحجۃ ۱۲۸۶ھ کو ہوئی اور اس کی تالیف میں أحمد خلوصی رکن دیوان عدلیہ‘ سیف الدین رکن شوری سلطنت عثمانیہ‘ أحمد جودت نگران دیوان عدالتی أحکام‘ علاؤ الدین رکن جمعیت‘ محمد أمین رکن شوری سلطنت عثمانیہ اور أحمد حلمی رکن دیوان عدالتی أحکام نے حصہ لیا۔ دوسری کتاب کتاب الإجارۃ ہے۔ یہ ایک مقدمہ اور آٹھ أبواب پر مشتمل ہے۔ مقدمہ إجارۃ سے متعلق فقہی اصطلاحات سے متعلق ہے۔ جبکہ پہلا باب إجارۃسے متعلق عمومی ضوابط کے بارے میں ہے۔ مقدمہ ۱۶ اور پہلا باب ۱۳ مادوں پر مشتمل ہے۔ اب تک کل ۴۳۲ مادے ہو گئے۔ دوسرا باب إجارۃ سے متعلق بعض مسائل کے بارے میں ہے۔ اس میں کل چار فصول ہیں۔ پہلی فصل میں إجارۃ کے ارکان‘ دوسری میں إجارۃ کے انعقاد و نفاذ کی شرائط‘ تیسری میں إجارۃ کی صحت کی شرائط اور چوتھی فصل میں فاسد و باطل إجارۃ کے احکام بیان کیے گئے ہیں۔ اس باب میں کل ۳۰ مادوں کا بیان ہے اور اب تک ۴۶۲ مادے ہو گئے۔ تیسرا باب أجرت سے متعلق مسائل کے بیان میں ہے۔ اس میں تین فصول ہیں۔ پہلی فصل إجارۃ کے عوض ‘ اس کے اوصاف اور أحوال کے بارہ میں ہے۔ دوسری فصل أجرت کے لازم ہونے کے أسباب اور مزدور کے أجرت کے مستحق ہونے کی کیفیت کے بارے میں ہے۔ تیسری فصل میں ان مسائل کا بیان ہے کہ جن میں مزدور پوری أجرت حاصل کرنے کے لیے اجرت پر رکھنے والے کو روک سکتا ہے یا نہیں۔ اس باب میں کل ۲۱ مادوں کا بیان ہے اور اب تک کل ۴۸۳ مادے ہو گئے۔ چوتھا باب مدت اجارۃ کے مسائل کے بیان میں ہے۔ اس باب میں ۱۳ مادوں کا بیان ہے اور اب تک ۴۹۶ مادے ہو گئے۔ پانچواں باب اختیارات کے بارے میں ہے۔ اس میں تین فصول ہیں۔ پہلی فصل اختیار شرط‘ دوسری اختیار رؤیت اور تیسری اختیار عیب کے بارے میں ہے۔ اس باب میں کل۲۵ مادوں کا بیان ہے اور اب تک کل مادے ۵۲۱ ہوگئے۔ چھٹا باب مأجور کی اقسام اور ان کے أحکام پر مشتمل ہے۔ اس باب میں چار فصول ہیں۔ پہلی فصل غیر منقولہ جائیداد‘ دوسری منقولہ جائیداد‘ تیسری مال مویشیوں اور چوتھی انسانوں کے إجارۃ کے بارے میں ہے۔ اس باب میں کل ۶۰ مادوں کا بیان ہے اور اب تک ۵۸۱ مادے ہوئے۔ ساتواں باب آجراور مستأجر کے کام اور عقد اجارۃ کے بعد ان دونوں کی صلاحیت کے بارے میں ہے۔ یہ باب تین فصول پر مشتمل ہے۔ پہلی فصل میں مأجور کی حوالگی‘ دوسری میں عقد إجارۃ کے بعد عاقدین کے مأجور میں تصرف اور تیسری فصل مأجور کے لوٹانے اور دوبارہ اجرت