عصر حاضر میں اجتماعی اجتہاد جلد 2

کے لیے احترام کا جذبہ پیدا ہوتا تھا۔ شیخ محمد الخضری بک رحمہ اللہ لکھتے ہیں : ’’ اجتمع أبو حنیفۃ والأوزعی فی دار الحناطین بمکۃ فقال الأوزاعی لأبی حنیفۃ ما بالکم لا ترفعون أیدیکم عند الرکوع وعند الرفع منہ؟ فقال أبو حنیفۃ لأجل أنہ لم یصح عن رسول اللّٰہ صلی اللّٰہ علیہ وسلم فیہ شیء‘ قال کیف وقد حدثنی الزھری عن سالم عن أبیہ عن رسول اللّٰہ صلی اللّٰہ علیہ وسلم أنہ کان یرفع یدیہ إذا افتتح الصلاۃ وعند الرکوع وعند الرفع فقال أبو حنیفۃ حدثنا حماد عن إبراہیم عن علقمۃ والأسود عن ابن مسعود أن رسول اللّٰہ صلی اللّٰہ علیہ وسلم کان لا یرفع یدیہ إلا عند افتتاح الصلاۃ ولا یعود إلی شیء من ذلک فقال الأوزاعی أحدثک عن الزھری عن سالم عن أبیہ وتقول حدثنی حماد عن إبراہیم؟ فقال أبوحنیفۃ کان حماد أفقہ من الزھری وکان إبراہیم أفقہ من سالم وعلقمۃ لیس بدون ابن عمر وإن کان لابن عمر صحبۃ أو لہ فضل صحبۃ فالأسود لہ فضل کثیر وعبد اللّٰہ ھو عبد اﷲ۔ ‘‘[1] ’’امام أبو حنیفہ رحمہ اللہ اور امام اوزاعی رحمہ اللہ مکہ میں ’دار الحناطین‘ میں اکھٹے ہوئے تو امام اوزاعی رحمہ اللہ نے امام أبو حنیفہ رحمہ اللہ سے کہا: تم لوگوں کا کیا معاملہ ہے کہ تم رکوع سے اٹھتے وقت اور رکوع میں جاتے وقت رفع الیدین نہیں کرتے۔ امام أبو حنیفہ رحمہ اللہ نے کہا: اس وجہ سے کہ اس بارے میں اللہ کے رسول صلی اللہ علیہ وسلم سے کوئی حدیث ثابت نہیں ہے۔ امام اوزاعی رحمہ اللہ نے کہا: رفع الیدین کیسے ثابت نہیں ہے جبکہ مجھے امام زہری رحمہ اللہ نے سالم رحمہ اللہ سے بیان کیا اور انہوں نے اپنے والد(حضرت عبد اللہ بن عمر رضی اللہ عنہ )سے بیان کیا اور وہ اللہ کے رسول صلی اللہ علیہ وسلم سے نقل کرتے ہیں کہ آپ صلی اللہ علیہ وسلم نماز شروع کرتے وقت‘ رکوع میں جاتے وقت اور رکوع سے اٹھتے وقت رفع الیدین کیا کرتے تھے۔ امام أبوحنیفہ رحمہ اللہ نے کہا: مجھے حماد رحمہ اللہ نے ابراہیم رحمہ اللہ سے‘ انہوں نے علقمہ رحمہ اللہ اور أسود رحمہ اللہ سے‘ انہوں نے حضرت عبد اللہ بن مسعود رضی اللہ عنہ سے نقل کیا ہے کہ اللہ کے رسول صلی اللہ علیہ وسلم صرف نماز شروع کرتے وقت ہی رفع الیدین کیا کرتے تھے اور اس کے بعد کسی جگہ بھی رفع الیدین نہ کرتے۔ اس پر امام اوزاعی رحمہ اللہ نے کہا میں آپ کو زہری رحمہ اللہ ‘سالم رحمہ اللہ اور ان کے والد(حضرت عبد اللہ بن عمر رضی اللہ عنہ )سے حدیث نقل کرتا ہوں جبکہ آپ مجھے کہتے ہیں : آپ کو حماد رحمہ اللہ نے ابراہیم رحمہ اللہ سے حدیث بیان کی(یعنی جنہوں نے آپ کو حدیث بیان کی ہے ان کا حدیث میں مقام ہی کیا ہے؟)۔ ا س پر امام أ بو حنیفہ رحمہ اللہ نے کہا:حماد رحمہ اللہ ‘ زہری رحمہ اللہ سے زیادہ اور ابراہیم رحمہ اللہ ‘ سالم رحمہ اللہ سے زیادہ فقیہ ہیں اور علقمہ رحمہ اللہ ‘ عبد اللہ بن عمر رضی اللہ عنہ سے کم نہیں ہے‘ اگرچہ ابن عمر رضی اللہ عنہ صحابی تھے یا ان کو بطور صحابی رضی اللہ عنہ فضیلت حاصل تھی۔ اسی طرح أسود رضی اللہ عنہ کے پاس بھی فضل کثیر تھا اور عبد اللہ بن مسعود رضی اللہ عنہ تو پھر عبد اللہ بن مسعود رضی اللہ عنہ ہی ہیں۔ ‘‘ اس روایت سے معلوم ہوا کہ امام اوزاعی رحمہ اللہ اپنی روایت کو راویوں کے أئمہ حدیث ہونے کی وجہ سے ترجیح دے رہے تھے جبکہ امام أبو حنیفہ رحمہ اللہ کے نزدیک کسی راوی کا فقیہ ہونا ‘ اس روایت کے راجح ہونے کا ایک قرینہ تھا۔ پس ہر ایک فقیہ اپنی روایات پر زیادہ اعتماد کرتا تھا۔ اسی طرح کے مناظرے امام شافعی رحمہ اللہ اور امام محمد بن حسن رحمہ اللہ کے مابین بھی ہوئے۔ استاذ محمد علی السایس رحمہ اللہ لکھتے ہیں : ’’ وکانت لہ مناظرات مع محمد بن الحسن رفعت إلی رشید فسر منھا۔ ‘‘[2] ’’امام شافعی رحمہ اللہ کے بہت سے مناظرے جو امام محمد رحمہ اللہ کے ساتھ ہوئے تھے‘ ان کی روداد جب خلیفہ ہارون الرشید کو سنائی گئی تو وہ اسے سن کے بہت محظوظ ہوا۔ ‘‘ امام شافعی رحمہ اللہ جب تحصیل علم کے لیے امام محمد رحمہ اللہ کے پاس کوفہ آئے تو وہ اکثر و بیشتر ان کے شاگردوں سے بھی مناظرہ کرتے تھے۔ شیخ أبو زہرہ رحمہ اللہ لکھتے ہیں : ’’شافعی رحمہ اللہ ‘ امام محمد رحمہ اللہ کے حلقہ فیض میں پابندی اور باقاعدگی سے شرکت کرتے اور مستفید ہوتے تھے لیکن بایں ہمہ اپنے آپ کو وہ

[1] تاریخ التشریع الإسلامی:ص۱۱۰ [2] تاریخ الفقہ الإسلامی:ص۱۰۴