عصر حاضر میں اجتماعی اجتہاد جلد 2

فرماتے ہیں : ’’ أخبرنا أبو بکر بن الحارث الفقیہ أنبأ علی بن عمر الحافظ ثنا یعقوب بن ابراہیم البزار ثنا الحسن بن عرفۃ ثنا اسمعیل ابن علیۃ عن ابن عون عن عیسی بن الحارث قال کانت أم ولد لأخی شریح بن الحارث ولدت لہ جاریۃ فزوجت فولدت غلاماً ثم توفیت أم الولد قال فاختصم فی میراثھا شریح بن الحارث وابن ابنتھا إلی شریح فجعل شریح ابن الحارث یقول لشریح إنہ لیس لہ میراث فی کتاب اللّٰہ إنما ھو ابن بنتھا فقضی شریح بمیراثھا لابن بنتھا ﴿وَ اُولُوا الْاَرْحَامِ بَعْضُھُمْ اَوْلٰی بِبَعْضٍ فِیْ کِتٰبِ اللّٰہ﴾ فرکب مسیرۃ بن یزید إلی ابن زبیر فأخبرہ الذی کان من شریح فکتب ابن الزبیر إلی شریح أن میسرۃ بن یزید ذکر لی کذا وکذا وإنک قلت عند ذلک ﴿ وَ اُولُوا الْاَرْحَامِ بَعْضُھُمْ اَوْلٰی بِبَعْضٍ فِیْ کِتٰبِ اللّٰہِ ﴾ إنما کانت تلک الآیۃ فی شأن العصبۃ کان الرجل یعاقد الرجل فیقول ترثنی وارثک فلما نزلت ترک ذلک قال فجاء مسیرۃ بن یزید الکتاب إلی شریح فلما قرأہ أبی أن یرد قضاء ہ وقال إنما اعتقھا حیتان بطنھا۔ ‘‘[1] ’’ہمیں أبوبکر بن حارث نے خبر دی‘ انہوں نے کہا‘ ہمیں علی بن عمر الحافظ نے خبر دی‘ انہوں نے کہا‘ ہمیں یعقوب بن ابراہیم بزار نے بتایا‘ انہوں نے کہا‘ہمیں حسن بن عرفہ نے بیان کیا‘ انہوں نے کہا‘ ہمیں ابن علیہ نے ابن عون سے اور انہوں نے عیسی بن حارث سے نقل کیاہے کہ انہوں نے کہا: میرے بھائی شریح بن حارث رحمہ اللہ کی ایک أم ولد(وہ لونڈی جس سے اس کے مالک کی کوئی اولاد ہو)تھی جس کے ایک لڑکی پیدا ہوئی۔ پس اس لڑکی کی شادی ہوئی اور اس کے ہاں بھی ایک لڑکا پید اہوا۔ پھر وہ أم الولد(لونڈی)فوت ہو گئی۔ راوی کہتے ہیں اس أم الولد کی میراث میں شریح بن حارث رحمہ اللہ اور اس لونڈی کے نواسے میں جھگڑا ہوا تو وہ اپنا مقدمہ قاضی شریح رحمہ اللہ کے پاس لے کر آئے۔ پس شریح بن حارث‘ قاضی شریح رحمہ اللہ سے کہنے لگے : اس لڑکے کے لیے کتاب اللہ میں کوئی حصہ نہیں ہے یہ تو اس کا نواسہ ہے۔ پس قاضی شریح رحمہ اللہ نے(دونوں کی بات سن کر)نواسے کے حق میں میراث کا فیصلہ دے دیا۔ اور یہ آیت بطور دلیل پیش کی:’’اور رحمی رشتہ دار وں میں سے بعض اللہ کی کتاب میں (وراثت کے اعتبار سے)بعض کے زیادہ قریب ہوتے ہیں ‘‘۔ پس مسیرۃ بن یزید اس فیصلے کے بعد حضرت عبد اللہ بن زبیر رضی اللہ عنہ کے پا س آئے اور انہیں قاضی شریح رحمہ اللہ کے فیصلے کی خبر دی۔ پس حضرت عبد اللہ بن زبیر رضی اللہ عنہ نے قاضی شریح رحمہ اللہ کو ایک خط لکھا‘ جس میں انہوں نے کہا کہ مسیرۃ بن یزید نے مجھے اس طرح بیان کیاہے اور آپ صلی اللہ علیہ وسلم نے اپنے فیصلے کے وقت اس آیت’’اور رحمی رشتہ دار وں میں سے بعض اللہ کی کتاب میں (وراثت کے اعتبار سے)بعض کے زیادہ قریب ہوتے ہیں ‘‘ کو بطور دلیل بیان کیا ہے‘ جبکہ یہ آیت مبارکہ تو عصبات(میت کے باپ کی طرف سے رشتہ دار)کے بارے میں نازل ہوئی ہے۔ ایک آدمی دوسرے آدمی سے یہ معاہدہ لیتا تھا کہ تو مجھے اپنا وارث بنائے گا۔ پس جب یہ آیت نازل ہوئی تو صحابہ رضی اللہ عنہم نے یہ کام چھوڑ دیا۔ روای کہتے ہیں کہ مسیرۃ بن یزید وہ خط لے کر قاضی شریح رحمہ اللہ کے پاس آئے۔ قاضی شریح رحمہ اللہ نے وہ خط پڑھا لیکن اپنا فیصلہ واپس لینے سے انکار کر دیا اور فرمایا: اس عورت کو اس کے پیٹ کی مچھلیوں (یعنی حمل)نے آزاد کر دیا تھا۔ ‘‘ فقہاء کے باہمی مباحثے فقہاء کے مابین مفید علمی مباحثے و مکالمے بھی اس دور کے علمی حلقوں میں ایک لازمی عنصر کے طور پر شامل رہے ہیں۔ یہ مباحثے بھی بعض اوقات کسی مسئلے میں ایک اجتماعی رائے کی بنیاد بن جاتے تھے۔ امام ذہبی رحمہ اللہ لکھتے ہیں : ’’ قلت: کان أبو سلمۃ یتفقہ ویناظر ابن عباس ویراجعہ۔ ‘‘[2]

[1] السنن الکبری للبیھقی‘ کتاب آداب القاضی‘ باب من اجتھد من الحکام ثم تغیر اجتھادہ (۲۰۱۶۵)‘ ۱۰؍ ۱۲۱۔ [2] تذکرۃ الحفاظ:ا؍ ۵۱