عصر حاضر میں اجتماعی اجتہاد جلد 2

إلی عمر بن الخطاب یعرضون علیہ أن یدخلوا بتجارتھم أرض العرب ولھم العشور منھا فشاور عمر فی ذلک أصحاب النبی صلی اللّٰہ علیہ وسلم فأجمعوا علی ذلک فھو أول من أخذ منھم العشور۔ ‘‘[1] ’’ہمیں عبد الرزاق نے ابن جریج سے خبر دی ہے کہ انہوں نے کہا: عمرو بن شعیب نے کہا:اہل’منبج‘ اور ’بحر عدن‘ کی دوسری طرف کے رہنے والوں نے حضرت عمر رضی اللہ عنہ کو ایک خط لکھا اور وہ یہ چاہتے تھے کہ وہ اپنی تجارت کے ذریعے اہل عرب پر داخل ہوں اور اس کے لیے وہ ٹیکس بھی ادا کریں۔ اس پر حضرت عمر رضی اللہ عنہ نے صحابہ رضی اللہ عنہم سے مشورہ کیا تو ان سب نے اس بات پر اتفاق کیا۔ پس یہ پہلا ٹیکس تھا جو ان سے لیا گیا تھا۔ ‘‘ مضطر زانی پر حد زنا جاری کرنے میں اجتماعی اجتہاد حضرت عمر رضی اللہ عنہ کے زمانہ خلافت میں ایک اکیلی عورت کو دوران سفر پیاس کی شدت نے آ لیا۔ اتفاقاً اسے رستے میں ایک چرواہا ملا‘ جس نے اس شرط پر اسے پانی پلانے کی حامی بھری کہ وہ اس کے بدلے میں اس سے اپنی خواہش پوری کرے گا۔ اس عورت نے جان بچانے کی خاطر اس چرواہے کی یہ شرط مان لی۔ یہ معاملہ جب حضرت عمر رضی اللہ عنہ کے سامنے پیش ہوا تو انہوں نے اس عورت پر حد جاری کرنے کے حوالے سے صحابہ رضی اللہ عنہم سے مشورہ کیا۔ ایک روایت کے الفاظ ہیں : ’’ أخبرنا أبو القاسم زید بن جعفر بن محمد العلوی بالکوفۃ وأبوبکر أحمد بن الحسن القاضی بنیسابور قالا أنبأ أبو جعفر محمد بن علی بن دحیم ثنا إبراھیم بن عبد اللّٰہ العبسی أنبأ وکیع عن الأعمش عن أبی عبد الرحمن السلمی قال أتی عمر ابن الخطاب رضی اللّٰہ عنہ بامرأۃ جھدھا العطش فمرت علی راع فاستقت فأبی أن یسقیھا إلا أن تمکنہ من نفسھا ففعلت فشاور الناس فی رجمھا فقال علی ھذہ مضطرۃ أری أن تخلی سبیلھا ففعل۔ ‘‘[2] ’’ہمیں أبو القاسم زید بن جعفر بن محمدعلوی نے کوفہ میں اور قاضی أبو بکر أحمد بن حسن نے نیشاپور میں خبر دیتے ہوئے کہا ہے کہ ہمیں أبو جعفر محمد بن علی بن دحیم نے خبر دی ہے‘ انہوں نے کہا‘ ہمیں ابراہیم بن عبد اللہ عبسی نے خبر دی ہے‘ انہوں نے کہا‘ ہمیں وکیع نے أعمش سے ‘ انہوں نے أبو عبد الرحمن سلمی سے نقل کیا ہے کہ انہوں نے کہا: ایک خاتون حضرت عمرؓ کے پاس لائی گئی کہ جس کو سخت پیاس نے آ لیا تھا اور اس کا گزر ایک چرواہے پر ہوا‘ جس سے اس نے پانی مانگا۔ لیکن اس چرواہے نے اس خاتون کو اس شرط پر پانی دینے کی حامی بھری کہ و ہ عورت اپنی جان پر اس کو قدرت دے‘ پس اس عورت نے ایسا ہی کیا۔ حضرت عمر رضی اللہ عنہ نے اس عورت کو رجم کرنے کے بارے میں صحابہ رضی اللہ عنہم سے مشورہ کیا تو حضرت علی رضی اللہ عنہ نے کہا: میری رائے تو یہ ہے کہ یہ مضطر ہے لہٰذا آپ اسے چھوڑ دیں۔ پس حضرت عمر رضی اللہ عنہ نے ایسا ہی کیا۔ ‘‘ عدالتی فیصلوں میں اجتماعی اجتہاد سے رہنمائی حضرت عمر رضی اللہ عنہ نے اپنے زمانے کے معروف قاضی حضرت شریح رحمہ اللہ کو ایک خط لکھا جس میں انہیں ‘ قرآن وسنت میں کوئی مسئلہ نہ ملنے کی صورت میں ‘ اجتماعی و اجماعی آراء کوسامنے رکھتے ہوئے فیصلہ جاری کرنے کا حکم دیا۔ ایک روایت کے الفاظ ہے: ’’ أخبرنا محمد بن عیینۃ عن علی بن مسھر عن أبی اسحاق عن الشعبی عن شریح: أن عمر ابن الخطاب کتب إلیہ: إن جا ء ک شیء فی کتاب اللّٰہ فاقض بہ ولا تلتفتک عنہ الرجال‘ فإن جاء ک ما لیس فی کتاب اللّٰہ فانظر سنۃ عن رسول اللّٰہ صلی اللّٰہ علیہ وسلم فاقض بھا فإن جاء ک ما لیس فی کتاب اللّٰہ ولم یکن فیہ

[1] مصنف عبد الرزاق‘ کتاب أھل الکتابین‘ باب ما یؤخذ من أرضیھم وتجاراتھم (۱۹۲۸۰)‘ ۱۰؍ ۳۳۴۔ [2] السنن الکبری للبیھقی‘ کتاب القسامۃ‘ کتاب الحدود‘ باب من زنی بإمرأۃ مستکرہۃ (۱۶۸۲۷)‘ ۸؍ ۲۳۶۔