عصر حاضر میں اجتماعی اجتہاد جلد 2

صحابہ کرام رضی اللہ عنہم ممکن حد تک ایک مسئلے کا حل قرآن وسنت میں تلاش کرتے تھے اور اگر نہ ملتا تو پھر اجتہاد کرتے تھے۔ حضرت عبد اللہ بن عباس رضی اللہ عنہما کے اجتہادی منہج کی وضاحت کرتے ہوئے ابن أبی یزید فرماتے ہیں : ’’ أخبرنا أبو عبد اللّٰہ الحافظ ثنا أبو العباس محمد بن یعقوب أنبأ محمد بن عبد اللّٰہ بن عبد الحکم أنبأ ابن وھب قال سمعت سفیان یحدث عن عبید اللّٰہ بن أبی یزید قال سمعت عبد اللّٰہ بن عباس رضی اللّٰہ عنھما إذ اسئل عن شیٔ ھوفی کتاب اللّٰہ قال بہ و إذا لم یکن فی کتاب اللّٰہ و قالہ رسول اللّٰہ صلی اللّٰہ علیہ وسلم قال بہ و إن لم یکن فی کتاب اللّٰہ و لم یقلہ رسول اللّٰہ صلی اللّٰہ علیہ وسلم و قالہ أبو بکر و عمر رضی اللّٰہ عنھما قال بہ و إلا اجتھد رأیہ۔ ‘‘[1] ’’ہمیں أبو عبد اللہ الحافظ نے خبر دی ہے‘ انہوں نے کہا‘ ہمیں أبو العباس محمد بن یعقوب نے بیان کیا ہے‘ انہوں نے کہا‘ ہمیں محمد بن عبد اللہ بن عبد الحکم نے خبر دی ہے۔ ‘ انہوں نے کہا‘ ہمیں ابن وہب نے خبر دی ہے اور انہوں نے کہا‘ میں نے سفیان سے سنا کہ وہ عبید اللہ بن أبی یزید سے روایت بیان کرتے ہوئے کہتے ہیں : میں نے حضرت عبد اللہ بن عباس رضی اللہ عنہما سے سناہے کہ جب ان سے کسی مسئلے کے بارے سوال ہوتا تھا اور اس کا جواب اگر کتاب اللہ میں (واضح طور پر)ہوتا تو وہ اس کے مطابق جواب دے دیتے تھے اور اگر وہ مسئلہ کتاب اللہ میں نہ ہوتا تو اس کے بارے میں کوئی حدیث(واضح)ہوتی تو وہ اس کے مطابق جواب دیتے اور اگر وہ مسئلہ قرآن و حدیث میں (صریحاً)نہ ہوتاجبکہ اس کے بارے میں حضرت أبو بکر و عمر رضی اللہ عنہما سے کچھ مروی ہوتاتو اس کے مطابق رائے کا اظہار کرتے اور اس کے بعد تو اپنی رائے بنانے میں (قرآن و سنت کی گہرائی و وسعتوں میں )انتہائی کوشش لگادیتے۔ ‘‘ دور صحابہ رضی اللہ عنہم میں اجتماعی اجتہاد خلافت راشدہ میں اگرچہ صحابہ کرام رضی اللہ عنہم اپنی انفرادی حیثیت میں اجتہاد کرتے تھے لیکن بہت سے مسائل ایسے بھی تھے کہ جن کی نزاکت کے پیش نظر اجتماعی اجتہاد و مشاورت کے ذریعے ان کاحل نکالنے کی کوشش کی گئی۔ بعض روایات سے معلوم ہوتاہے کہ باہمی مشورے اور تبادلہ خیال کے نتیجے میں ایک رائے تک پہنچنے کا طرز عمل خلافت راشدہ میں بہت نمایاں رہا ہے۔ اس عرصے میں صحابہ رضی اللہ عنہم کے درمیان جن اہم مسائل کو باہمی مشورے سے حل کیا گیا‘ ان میں چند ایک درج ذیل ہیں : خلیفہ أول کی تقرری میں باہمی مشاورت اللہ کے رسول صلی اللہ علیہ وسلم کی وفات کے فوراً بعد امیر و خلیفہ کی تقرری کا مسئلہ سامنے آیا۔ آپ صلی اللہ علیہ وسلم کے بعض ارشادات کی وجہ سے صحابہ کرام رضی اللہ عنہم ایک رات بھی کسی امیر یا نظم کے بغیر نہیں گزارنا چاہتے تھے۔ اس مقصد کے لیے انصار و مہاجرین میں باہمی مشاورت ہوئی اور حضرت أبو بکر رضی اللہ عنہ کو باہمی رضامندی سے خلیفہ مقرر کر لیا گیا۔ ایک روایت کے الفاظ ہے: ’’عن عائشۃ رضی اللّٰہ عنھا زوج النبی صلی اللّٰہ علیہ وسلم أن رسول اللّٰہ صلی اللّٰہ علیہ وسلم مات۔ ۔ ۔ واجتمعت الأنصار إلی سعد بن عبادۃ فی سقیفۃ بنی ساعدۃ فقالوا منا أمیر ومنکم أمیر فذھب إلیھم أبوبکر وعمر بن الخطاب وأبو عبیدۃ بن الجراح فذھب عمر یتکلم فأسکتہ أبوبکر وکان عمر یقول واللّٰہ ما أردت بذلک إلا أنی قد ھیأت کلاما قد أعجبنی خشیت أن لا یبلغہ أبوبکر ثم تکلم أبوبکرفتکلم الناس أبلغ الناس فقال فی کلامہ نحن الأمراء وأنتم الوزراء فقال حباب بن المنذر لا واللّٰہ لا نفعل منا أمیر ومنکم أمیر فقال أبوبکر لا ولکنا الأمراء وأنتم الوزراء ھم أوسط العرب دارا وأعربھم أحساباً فبایعوا عمر أو عبیدۃ بن الجراح فقال عمر بل نبایعک أنت فأنت سیدنا وخیرنا وأحبنا إلی رسول اللّٰہ صلی اللّٰہ علیہ وسلم فأخذ عمر بیدہ فبایعہ

[1] السنن الکبری للبیھقی‘ کتاب آداب القاضی‘ باب ما یقضی بہ القاضی ویفتی بہ المفتی (۲۰۱۳۳)‘ ۱۰؍ ۱۱۵۔