عصر حاضر میں اجتماعی اجتہاد جلد 2

ذلک فذکر للنبی صلی اللّٰہ علیہ وسلم فلم یعنف واحدا منھم۔ ‘‘[1] ’’حضرت عبد اللہ بن عمر رضی اللہ عنہ سے مروی ہے کہ انہوں نے کہا: جب ہم جنگ أحزاب سے فارغ ہو کر لوٹے تواللہ کے رسول صلی اللہ علیہ وسلم نے ہمیں فرمایا:تم میں سے کوئی شخص بھی عصر کی نماز نہ پڑھے مگر بنو قریظہ کے علاقے میں ‘ پس بعض صحابہ کو رستے میں ہی نماز کے وقت نے پا لیا۔ ان میں سے بعض نے کہا ہم اس وقت تک نماز نہ پڑھیں گے جب تک کہ بنو قریظہ کی بستیوں میں نہ پہنچ جائیں۔ جب کہ صحابہ ہی کے ایک دوسرے گروہ کی رائے یہ بھی تھی کہ ہم نماز رستے میں ہی پڑھ لیں گے کیونکہ آپ صلی اللہ علیہ وسلم کا مقصود یہ نہیں تھا(کہ ہم عصر کی نماز لیٹ کریں بلکہ آپ صلی اللہ علیہ وسلم کا مقصود عصر سے پہلے بنو قریظہ کی بستیوں میں پہنچنے کاحکم جاری کرنا تھا۔ پس بعض نے نماز پڑھ لی اور بعض نے مؤخر کر دی)۔ پس دونوں نے اس بات کا تذکرہ اللہ کے رسول صلی اللہ علیہ وسلم کے سامنے کیاتو آپ صلی اللہ علیہ وسلم نے ان میں سے کسی ایک کو بھی سر زنش نہ کی۔ ‘‘ أجرت قرآن کے بارے صحابہ رضی اللہ عنہم کا اجتماعی اجتہاد صحابہ کرام رضی اللہ عنہم کی ایک جماعت کسی سفر پر نکلی ہوئی تھی کہ ایک قبیلے کے پاس انہوں نے پڑاؤ ڈالااور ان سے مہمان نوازی کا مطالبہ کیا تو انہوں نے انکار کر دیا۔ اسی دوران اس قبیلے کے سردار کو ایک زہریلے سانپ نے ڈس لیا تو ان صحابہ میں سے ایک نے سورۃ فاتحہ کی جھاڑ پھونک کی اور اس کے بدلے اس کی اجرت بھی حاصل کی اور اس أجرت کو تمام صحابہ رضی اللہ عنہم نے باہم تقسیم کر لیا۔ اس واقعے کے بارے میں ایک راویت کے الفاظ ہیں : ’’عن أبی سعید الخدری رضی اللّٰہ عنہ قال انطلق نفر من أصحاب النبی صلی اللّٰہ علیہ وسلم فی سفرۃ سافروھا حتی نزلوا علی حی من أحیاء العرب فاستضافوھم فأبوا أن یضیفوھم فلدغ سید ذلک الحی فسعوا لہ بکل شیء لا ینفعہ شیء فقال بعضھم لو أتیتم ھؤلاء الرھط الذین نزلوا لعلہ أن یکون عند بعضھم شیء فأتوھم فقالوا یا أیھا الرھط إن سیدنا لدغ وسعینا لہ بکل شیء لا ینفعہ فھل عند أحد منکم من شیء فقال بعضھم نعم واللّٰہ إنی لأرقی و لکن و اللّٰہ لقد استضفناکم فلم تضیفونا فما أنا براق لکم حتی تجعلوا لنا جعلاً فصالحوھم علی قطیع من الغنم فانطلق یتفل علیہ ویقرأ الحمد ﷲ رب العلمین فکأنما نشط من عقال فانطلق یمشی وما بہ قلبۃ قال فأوفوھم جعلھم الذی صالحوھم علیہ فقال بعضھم اقسموا فقال الذی رقی لا تفعلوا حتی تأتی النبی صلی اللّٰہ علیہ وسلم فنذکر لہ الذی کان فننظر ما یأمرنا فقدموا علی رسول اللّٰہ فذکروا لہ فقال وما یدریک أنھا رقیۃ ثم قال قد أصبتم اقسموا واضربوا لی معکم سھما فضحک رسول اللّٰہ صلی اللّٰہ علیہ وسلم۔ ‘‘[2] ’’حضرت أبو سعید خدری رضی اللہ عنہ سے راویت ہے‘ انہوں نے کہا: أصحاب رسول صلی اللہ علیہ وسلم میں سے ایک جماعت ایک سفرمیں نکلی یہاں تک کہ انہوں نے عرب کے قبائل میں سے ایک قبیلہ میں پڑاؤ ڈالا اور ان سے مہمان نوازی کا مطالبہ کیا۔ اس قبیلے کے لوگوں نے ان کی مہمان نوازی سے انکارکردیا۔ پس اس قبیلے کے سردار کو ایک سانپ نے ڈس لیا۔ انہوں نے ہر طریقے سے اس کا علاج کیالیکن اسے کچھ فائدہ نہ ہوا۔ ان میں سے ایک کہنے لگا‘ آؤ! اس جماعت کے پاس جاتے ہیں جو ہمارے قریب ہی قیام پذیرہے شاید ان میں سے کسی کے پاس اس کا کوئی علاج ہو۔ پس وہ صحابہ رضی اللہ عنہم کی اس جماعت کے پاس آئے اور کہنے لگے: اے لوگو! ہمارے سردار کو سانپ نے ڈس لیا ہے اور ہم نے ہر طرح کا علاج کیا ہے لیکن اسے کوئی فائدہ نہیں ہوا۔ کیا تم میں سے کسی کے پاس اس کا کوئی علاج ہے۔ تو ان میں سے ایک شخص نے کہا:ہاں ! اللہ کی قسم ! میں جھاڑ پھونک کر سکتا ہوں لیکن ہم نے تم سے مہمان نوازی طلب کی تھی‘ پس تم نے ہماری مہمان نوازی نہ کی۔ پس میں بھی اس وقت تک جھاڑ پھونک نہ کروں گاجب تک تم اس کی قیمت مقرر نہ کرو۔ پس ان لوگوں کی بکریوں کے ایک ریوڑ پر مصالحت

[1] صحیح بخاری‘ أبواب صلاۃ الخوف‘ باب صلاۃ الطالب والمطلوب راکباً وإیماء (۹۰۴)‘ ۱؍ ۳۲۱۔ [2] صحیح بخاری‘ کتاب الإجارۃ‘ باب ما یعطی فی الرقیۃ علی أحیاء العرب بفاتحۃ الکتاب (۲۱۵۶)‘ ۲؍ ۷۹۵۔