عصر حاضر میں اجتماعی اجتہاد جلد 2

حضرت معاذ بن جبل رضی اللہ عنہ کی گورنری کے بارے میں باہمی مشاورت اللہ کے رسول صلی اللہ علیہ وسلم نے جب حضرت معاذ بن جبل رضی اللہ عنہ کو یمن کا گورنر بنا کر بھیجنا چاہا تو صحابہ رضی اللہ عنہم سے مشورہ کیا۔ ایک حدیث میں ہے: ’’حدثنا الحسن بن العباس الرازی وعبد الرحمن بن سلم والحسین بن إسحاق التستری قالوا: حدثنا سھل بن عثمان حدثنا أبو یحی الحمانی عن أبی العطوف عن الوضین بن عطاء عن عبادۃ بن نسی عن عبد الرحمن بن غنم عن معاذ بن جبل أن رسول اللّٰہ صلی اللّٰہ علیہ وسلم لما أراد أن یسرح معاذ إلی الیمن استشار ناساً من أصحابہ فیھم أبوبکر وعمر وعثمان وعلی وطلحۃ والزبیر وأسید بن حضیر فاستشارھم فقال أبو بکر لولا أنک استشرتنا ما تکلمنا فقال إنی فیما لم یوحی إلی کأحدکم قال: فتکلم القوم فتکلم کل انسان برأیہ فقال ما تری یا معاذ قال أری ما قال أبو بکر فقال رسول اللّٰہ صلی اللّٰہ علیہ وسلم إن اللّٰہ عز و جل یکرہ فوق سمائہ أن یخطیٔ أبو بکر رضی اللّٰہ عنہ۔ ‘‘[1] ’’ہمیں حسن بن عباس رازی ‘ عبد الرحمن بن سلم اور حسین بن اسحاق تستری نے بیان کیا ہے۔ انہوں نے کہا‘ہمیں سہل بن عثمان نے بیان کیا ہے‘ انہوں نے کہا‘ہمیں أبویحی حمانی نے أبو عطوف سے‘ انہوں نے وضین بن عطاء سے‘ انہوں نے عبادہ بن نسی سے‘ انہوں نے عبدالرحمن بن غنم سے‘ اور انہوں نے معاذ بن جبل رضی اللہ عنہ سے نقل کیاہے کہ اللہ کے رسول صلی اللہ علیہ وسلم نے جب معاذ بن جبل رضی اللہ عنہ کو یمن کی طرف(گورنر بنا کر)بھیجنے کاارادہ کیا تو آپ صلی اللہ علیہ وسلم نے اپنے صحابہ میں سے حضرت أبوبکر‘ عمر‘ عثمان‘ علی‘ طلحہ‘ زبیر‘ أسید بن حضیر رضی اللہ عنہم سے مشورہ کیا۔ حضرت أبوبکر رضی اللہ عنہ نے کہا: اے اللہ کے رسول صلی اللہ علیہ وسلم ! اگر آپ ہم سے مشورہ طلب نہ بھی کرتے تو پھر بھی ہم کلام نہ کرتے۔ پس آپ صلی اللہ علیہ وسلم نے فرمایا: جن مسائل میں وحی نازل نہ ہوتی ہو ‘ ان میں ‘ مَیں تم جیسے ایک فرد کی طرح ہوں۔ راوی کہتے ہیں : پھر لوگوں نے مشورہ دیناشروع کیا اور ہر شخص نے اپنی رائے بیان کی۔ آپ صلی اللہ علیہ وسلم نے حضرت معاذ سے کہا: اے معاذ!تیری کیارائے ہے؟حضرت معاذ رضی اللہ عنہ نے کہا: اے اللہ کے رسول صلی اللہ علیہ وسلم !میری وہی رائے ہے جو أبوبکر رضی اللہ عنہ کی ہے۔ اس پر اللہ کے رسول صلی اللہ علیہ وسلم نے فرمایا: اللہ تعالیٰ آسمانوں پر اس بات کو ناپسندکرتے ہیں کہ أبوبکر رضی اللہ عنہ خطا کریں۔ ‘‘ امام نور الدین الہیثمی رحمہ اللہ اس روایت کی سند کے بارے میں لکھتے ہیں : ’’ وأبو العطوف لم أعرفہ وبقیۃ رجالہ ثقات وفی بعضھم خلاف۔ ‘‘[2] ’’أبو العطوف کو میں نہیں جانتا اور اس کے بقیہ راوی ثقہ ہیں اور ان میں بعض کی ثقاہت کے بارے میں اختلاف بھی ہے۔ ‘‘ یہ تواجتماعی اجتہاد کی وہ مثالیں تھیں کہ جن میں اللہ کے رسول صلی اللہ علیہ وسلم بھی براہ راست شریک تھے۔ اللہ کے رسول صلی اللہ علیہ وسلم کے زمانہ میں بعض اوقات جب کوئی مسئلہ درپیش آتا تو صحابہ بھی آپس میں باہمی مشاورت سے کوئی رائے طے کر لیتے تھے‘جیسا کہ ذیل میں ہم ان مثالوں کو بیان کر رہے ہیں : غزوہ خندق کے موقع پر عصر کی نماز میں صحابہ رضی اللہ عنہم کا اختلاف غزوہ خندق کے معرکے سے فارغ ہونے کے بعد اللہ کے رسول صلی اللہ علیہ وسلم نے صحابہ کرام رضی اللہ عنہم کو حکم دیاکہ وہ یہودیوں کے قبیلہ بنو قریظہ کا محاصرہ کریں کیونکہ انہوں نے اس جنگ کے دوران معاہدے کی خلاف ورزی کی تھی۔ ایک روایت کے الفاظ ہیں : ’’عن ابن عمر قال قال النبی صلی اللّٰہ علیہ وسلم لنا لما رجع من الأحزاب لا یصلین أحد العصر إلا فی بنی قریظۃ فأدرک بعضھم العصر فی الطریق فقال بعضھم لا نصلی حتی نأتیھا وقال بعضھم بل نصلی لم یرد منا

[1] المعجم الکبیر للطبرانی‘ باب بقیۃ المیم‘ من إسمہ معاذ (۱۲۴)‘ ۲۰؍ ۶۷۔ [2] مجمع الزوائد: (۱۴۳۲۷)‘ ۹؍ ۲۸۔