عصر حاضر میں اجتماعی اجتہاد جلد 2

لیں۔ پس آپ صلی اللہ علیہ وسلم نے ایک منبر بنوالیا۔ پس جب جمعہ کا دن آیا تو آپ منبر پر بیٹھنے کے لیے آگے بڑھے تو کھجور کے درخت نے آپ کی عدم موجودگی کو محسوس کرتے ہوئے آواز سے رونا شروع کر دیا۔ پس لوگ اس آواز سے گھبرا گئے۔ پس آپ صلی اللہ علیہ وسلم اپنی جگہ سے اٹھ کھڑے ہوئے یہاں تک کہ آپ صلی اللہ علیہ وسلم اس ستون کے پاس جاکر رک گئے اور اس کے پاس کھڑے ہو کر اس کو چھوا۔ پس وہ ستون پُرسکون ہو گیا۔ پھر اس دن کے بعداس کی آواز نہیں سنائی دی۔ ‘‘ غزوہ بدر کے موقع پر صحابہ رضی اللہ عنہم سے مشاورت اللہ کے رسول صلی اللہ علیہ وسلم نے غزوہ بدر کے موقع پر صحابہ رضی اللہ عنہم سے اس بارے میں مشورہ لیاکہ کیا انہیں کفار کی معاشی ناکہ بندی کے لیے أبو سفیان کے قافلے کا رخ کرنا چاہیے یا نہیں۔ صحابہ رضی اللہ عنہم سے آپ کا جو مشورہ ہوا ‘ اس کے بارے ایک روایت کے الفاظ ہیں : ’’ عن أنس أن رسول اللّٰہ صلی اللّٰہ علیہ وسلم شاور حین بلغہ إقبال أبی سفیان قال فتکلم أبوبکر فأعرض عنہ ثم تکلم عمر فأعرض عنہ فقام سعد بن عبادۃ فقال إیانا ترید یا رسول اللّٰہ والذی نفسی بیدہ لو أمرتنا أن نخیضھا البحر لأخضناھا۔ ‘‘[1] ’’حضرت أنس رضی اللہ عنہ سے منقول ہے کہ جب اللہ کے رسول صلی اللہ علیہ وسلم کو أبو سفیان کی آمد کی خبر ملی تو آپ صلی اللہ علیہ وسلم نے صحابہ رضی اللہ عنہم سے مشورہ لیا۔ حضرت أنس رضی اللہ عنہ نے فرمایا: پس حضرت أبوبکر رضی اللہ عنہ نے کلام کیا لیکن آپ صلی اللہ علیہ وسلم نے اعراض کیا۔ پھر حضرت عمر رضی اللہ عنہ نے کلام کیا لیکن آپ صلی اللہ علیہ وسلم نے پھر بھی اعراض کیا۔ پھر حضرت سعد بن عبادۃ رضی اللہ عنہ نے کہا: اے اللہ کے رسول صلی اللہ علیہ وسلم ! کیا آپ صلی اللہ علیہ وسلم ہم سے کچھ کہلوانا چاہتے ہیں۔ اللہ کی قسم! جس کے ہاتھ میں میری جان ہے‘ اگر آپ ہمیں یہ حکم دیں کہ ہم سمندر میں کود پڑیں تو ہم کود پڑیں گے۔ ‘‘ غزوہ بدر کے قیدیوں کے بارے اجتماعی مشورہ غزوہ بدر کے موقع پرتقریباً ستر کفار کو جنگی قیدی بنایا گیا تھا‘ آپ صلی اللہ علیہ وسلم نے ان کے بارے میں صحابہ رضی اللہ عنہم سے مشورہ طلب کیاکہ ان کو فدیہ لے کر چھوڑ دیں یا قتل کر دیں۔ ایک حدیث میں منقول ہے: ’’حدثنا علی بن عاصم عن حمید عن أنس وذکررجلاً عن الحسن قال استشار رسول اللّٰہ صلی اللّٰہ علیہ وسلم الناس فی الأساری یوم بدر فقال إن اللّٰہ عز وجل قد أمکنکم منھم قال فقام عمر بن الخطاب فقال یا رسول اللّٰہ اضرب أعناقھم قال فأعرض عنہ النبی صلی اللّٰہ علیہ وسلم قال ثم عاد رسول اللّٰہ صلی اللّٰہ علیہ وسلم فقال یأیھا الناس إن اللّٰہ قد أمکنکم منھم وإنما ھم إخوانکم بالأمس قال فقام عمر فقال یا رسول اللّٰہ اضرب أعناقھم فأعرض عنہ النبی صلی اللّٰہ علیہ وسلم قال ثم عاد النبی صلی اللّٰہ علیہ وسلم فقال للناس مثل ذلک فقام أبوبکر فقال یا رسول اللّٰہ إن تری أن تعفو عنھم وتقبل منھم الفداء قال فذھب عن وجہ رسول اللّٰہ صلی اللّٰہ علیہ وسلم ما کان فیہ من الغم قال فعفا عنھم وقبل منھم الفداء قال وأنزل اللّٰہ عز وجل ﴿ لَوْ لَا کِتٰبٌ مِّنَ اللّٰہِ سَبَقَ لَمَسَّکُمْ فِیْمَآ اَخَذْتُمْ﴾ إلی آخر الآیۃ۔ ‘‘[2] ’’ہمیں علی بن عاصم نے حدیث بیان کی‘ وہ حمید سے‘ وہ أنس سے بیان کرتے ہیں ‘ انہوں نے ایک آدمی کا تذکرہ کیا ہے جس نے حضرت حسن بصری رحمہ اللہ سے نقل کیا ہے کہ انہوں نے فرمایا: اللہ کے رسول صلی اللہ علیہ وسلم نے بدر والے دن قیدیوں کے بارے میں صحابہ رضی اللہ عنہم سے مشورہ کیا۔ آپ صلی اللہ علیہ وسلم نے فرمایا: اللہ تعالیٰ نے تمہیں ان پرقدرت بخشی ہے۔ راوی کہتے ہیں کہ حضرت عمر رضی اللہ عنہ کھڑے ہو گئے اور کہنے لگے: اے اللہ کے رسول صلی اللہ علیہ وسلم ! ان کی گردنیں اڑا دیں۔ پس آپ صلی اللہ علیہ وسلم نے حضرت عمر رضی اللہ عنہ کی رائے سے اعراض کیا۔ راوی کہتے ہیں ‘ آپ صلی اللہ علیہ وسلم نے دوبارہ اس بات کو دہرایااور فرمایا: اے لوگو! اللہ نے تمہیں ان پر قدرت دی ہے اور یہ کل تمہارے ہی بھائی تھے۔ راوی کہتے ہیں ‘ حضرت

[1] صحیح مسلم‘ کتاب الجھاد والسیر‘ باب غزوۃ بدر (۱۷۷۹)‘ ۳؍ ۱۴۰۳۔ [2] مسند أحمد‘ مسند بنی ھاشم‘ مسند أنس بن مالک (۱۳۵۸۰)‘ ۳؍ ۲۴۳۔