عصر حاضر میں اجتماعی اجتہاد جلد 2

لمؤمنین ربما نمکث الشھر أو الشھرین ولا نجد الماء فقال عمر أما أنا فإذا لم أجد الماء لم أکن لأصلی حتی أجد الماء فقال عمار بن یاسر أتذکر یا أمیر المؤمنین حیث کنت بمکان کذا وکذا ونحن نرعی الإبل فتعلم أنا أجنبنا قال نعم أما أنا فتمرغت فی التراب فأتیناالنبی صلی اللّٰہ علیہ وسلم فضحک فقال إن کان الصعید لکافیک وضرب بکفیہ إلی الأرض ثم نفخ فیھما ثم مسح وجھہ وبعض ذراعیہ فقال اتق اللّٰہ یا عمارفقال یا أمیر المؤمنین إن شئت لم أذکرہ قال ولکن نولیک من ذلک ما تولیت۔ ‘‘[1] ’’ہمیں محمد بن بشار نے خبر دی‘ انہوں نے کہا‘ ہمیں عبد الرحمن نے بیان کیا‘ انہوں نے کہا‘ ہمیں سفیان نے سلمہ سے بیان کیا‘ وہ أبومالک سے اور وہ عبد اللہ بن عبد الرحمن بن أبزی سے اور وہ عبد الرحمن بن أبزی سے نقل کرتے ہیں کہ انہوں نے کہا: ہم حضرت عمر رضی اللہ عنہ کے پا س تھے تو ان کے پاس ایک آدمی آیا‘ پس اس نے کہا: اے أمیر المؤمنین! بعض اوقات ہم کسی جگہ ٹھہرتے ہیں (اور جنبی ہوجاتے ہیں )اورایک یا دومہینے تک پانی نہیں پاتے۔ اس پر حضرت عمر رضی اللہ عنہ نے کہا: جہاں تک میرا ذاتی معاملہ ہے تو میں اس صورت حال میں اس وقت تک نماز نہ پڑھوں گا‘جب تک کہ میں پانی نہ پا لوں۔ اس پر حضرت عمار بن یاسر رضی اللہ عنہ نے فرمایا: اے امیر المؤمنین! کیا آپ کویاد ہے کہ آپ فلاں فلاں مقام میں تھے اور ہم اونٹ چرایا کرتے تھے۔ پس آپ جانتے ہیں کہ ایک دفعہ ہم جنبی ہوگئے۔ حضر ت عمار رضی اللہ عنہ نے مزید کہا: ہاں ! جہاں تک میری صورت حال تھی تو میں مٹی میں لوٹ پوٹ ہوا۔ پس ہم اللہ کے رسول صلی اللہ علیہ وسلم کے پاس آئے۔ پس آپ صلی اللہ علیہ وسلم ہنس دیے اور فرمایا: تیرے لیے تو صرف مٹی ہی کافی تھی اورتو زمین پر اپنی دونوں ہتھیلیاں مار لیتا اور پھر ان میں پھونک مار کر ان کو اپنے چہرے اور ہاتھوں پر مل لیتا۔ اس پر حضرت عمر رضی اللہ عنہ نے کہا: اے عمار! اللہ سے ڈر(یعنی مجھے تو کوئی ایساواقعہ یاد بھی نہیں ہے)۔ اس پر حضرت عمار بن یاسر رضی اللہ عنہ نے کہا: اے امیر المؤمنین! اگر آپ کہتے ہیں تو میں اس واقعے کی یاد آپ کو نہیں دلواؤں گا۔ اس پر حضرت عمر رضی اللہ عنہ نے کہا: ہم تمہیں اس مسئلے میں اسی کے سپرد کرتے ہیں کہ جس کو تو یہ مسئلہ سپرد کیا ہے۔ ‘‘ علامہ ألبانی رحمہ اللہ نے اس روایت کو ’صحیح‘ کہا ہے۔ [2] یہ روایت بھی اس مسئلے میں شاہد ہے کہ آپ صلی اللہ علیہ وسلم کے دور میں صحابہ بھی اجتہاد فرماتے تھے۔ مذکورہ بالا دلائل سے یہ ثابت ہوتا ہے کہ عصر نبوت میں خود آپ صلی اللہ علیہ وسلم بھی اجتہاد کرتے تھے اور صحابہ کرام رضی اللہ عنہم بھی‘یہ تو دور نبوی صلی اللہ علیہ وسلم میں انفرادی اجتہاد کی چند مثالیں تھیں ‘ اب ہم اس دور میں اجتماعی اجتہاد کی بعض صورتوں کو زیر بحث لا رہے ہیں۔ دور نبوی صلی اللہ علیہ وسلم میں اجتماعی اجتہاد جیسا کہ ہم پہلے ذکر کرچکے ہیں کہ جن مسائل میں کوئی نص نازل نہیں ہوئی تھی‘ ان میں آپ صلی اللہ علیہ وسلم اور آپ صلی اللہ علیہ وسلم کے صحابہ رضی اللہ عنہم اجتہاد کر لیا کرتے تھے۔ بعض مسائل ایسے بھی ہوتے تھے کہ جن میں مسئلے کی نزاکت و اہمیت کے پیش نظر کوئی فیصلہ کرنے سے پہلے آپ صلی اللہ علیہ وسلم صحابہ رضی اللہ عنہم سے بھی مشورہ فرما لیا کرتے تھے۔ یہ دراصل کسی مسئلے کے بارے میں مشاورتی اجتہاد ہوتا تھا۔ اللہ کے رسول صلی اللہ علیہ وسلم کی اپنے صحابہ رضی اللہ عنہم سے مختلف مسائل کے حل میں یہ باہمی مشاورت ان قرآنی احکامات کی تعمیل کی وجہ سے بھی تھی‘ جن کا تذکرہ ہم سابقہ باب میں کر چکے ہیں۔ ذیل میں ہم آپ صلی اللہ علیہ وسلم کے زمانے میں مختلف مسائل میں ہونے والی اجتماعی مشاورت کی چند مثالیں پیش کر رہے ہیں : طریقہ أذان کے بارے باہمی مشاورت ہجرت مدینہ کے فوراً بعد ہی مسجدنبوی کی تعمیر ہوئی اور آپ صلی اللہ علیہ وسلم نے اس میں نماز باجماعت کاآغاز فرمایا۔ شروع شروع میں ایک مسئلہ یہ سامنے آیا کہ مسلمانوں کو نماز کے لیے کیسے مطلع کیا جائے؟۔ اس پر آپ صلی اللہ علیہ وسلم نے صحابہ رضی اللہ عنہم سے مشاورت کی۔ ایک حدیث کے الفاظ ہیں :

[1] سنن النسائی‘ کتاب الطھارۃ‘ باب التیمم (۳۱۶)‘ ۱؍ ۱۶۸۔ [2] صحیح أبی داؤد‘ باب التیمم (۳۴۴)‘ ۲؍ ۱۳۲۔