عقیدہ ایمان اور منہج اسلام

ہدایت مستقیم پر تھے۔‘‘ اور آپ رضی اللہ عنہ نے یہ بھی فرمایا کہ:’’قرآن و سنت کی اتباع کرو، بدعات و خرافات کو اختیار نہ کرو۔ اسی سے تم (دینی اُمور میں) با کفایت ہو جاؤ گے۔ قرآن و سنت والے پرانے منہج و طریق کو لازم پکڑ لو۔‘‘ [1] ۴…سیّدنا عبداللہ بن عمر رضی اللہ عنہما فرماتے ہیں : لَا یَزالُ النّاسُ عَلَی الطَریقِ ، مَا اتَّبَعُوا الأَثَرَ۔ وقال :کلُّ بِدْعَۃٍ ضَلالَۃٌ ، واِنْ رَآھَا النَّاسُ حَسَنَۃً۔)) [2] ’’لوگ جب تک حدیث پر عمل پیرا رہیں گے ہمیشہ سیدھی راہ پر رہیں گے۔ اور آپ رضی اللہ عنہ نے یہ بھی فرمایا:ہر بدعت گمراہی ہے اگرچہ لوگ اس کو بصورتِ نیکی کیوں نہ دیکھیں۔‘‘ ۵…ایک اور جلیل القدر صحابی سیّدنا ابو درداء رضی اللہ عنہ فرماتے ہیں :((لَنْ تَضِلَّ مَا أَخَذْتَ بِالْأَثَرِ…)) ’’جب تک حدیث و سنت کو علماً و عملاً تھامے رہو گے ہر گز گمراہ نہیں ہو گے۔‘‘ [3] ۶…امیر المؤمنین سیّدنا علی بن ابو طالب رضی اللہ عنہ فرماتے ہیں : لَوْ کانَ الدِّیْنُ بِالرَّأَیِ! لَکَانَ باطنُ الْخُفَّیْنِ أَحَقَّ بالَمسْح مِنْ ظاہِرھِما وَلَکِنْ رأَیْتُ رَسُولَ اللّٰہِ صلی اللّٰه علیہ وسلم یَمْسَحُ عَلَیٰ ظاہِرھِما۔)) [4]

[1] اخرجہ الدارمی فی : ((سننہ) [2] رواہ اللالکائی فی شرح اصول اعتقاد اہل السنۃ والجماعۃ۔ [3] رواہ ابن بطہ فی الانابۃ۔ [4] أخرجہ ابن أبی شیبۃ فی المصنف۔