عقیدہ ایمان اور منہج اسلام

کرنے سے روک دیتا ہے۔ (یعنی اس عقیدۂ صافی کو اپنا لینے سے مومن مسلمان آدمی ہمیشہ اپنے تمام معاملات میں اللہ عزوجل اور اُس کے آخری پیغمبر محمد رسول اللہ صلی اللہ علیہ وسلم کے احکام کو ساری دنیا کے لوگوں پر مقدم رکھتا ہے۔) اس لیے کہ نفسانی خواہشات اور شکوک و شبہات والے شیطانی کھیل سے بہت دور رہتے ہوئے سلف صالحین کے عقیدۂ صافی کا منبع و مصدر قال اللہ اور قال الرسول (صلی اللہ علیہ وسلم) ہوتا تھا۔ یعنی اُن کا عقیدہ ، فلسفہ و منطق اور عقلی فنون جیسے اجنبی وغیر اسلامی اثر انداز ہونے والے نقوش قدم اور نشانات سے بالکل خالی ہوتا تھا۔ اُن کے ہاں ایمان و عمل کے لیے صرف اور صرف کتاب اللہ العزیز اور سنت رسول اللہ الکریم تھے بس۔ (صلی اللّٰہ علی نبینا محمد وعلی آلہ و ازواجہ ورضي اللّٰہ عن اصحابہ اجمعین) د…اس عقیدۂ صافی کی ایک خوبی یہ ہے کہ :یہ انتہائی سہل ، آسان اور نہایت واضح ہے۔ نہ ہی تو اس میں کوئی اشکال و اشتباہ ہے اور نہ ہی کوئی پوشیدگی۔ یہ عقیدۂ صافی ہر طرح کے اُلجھاؤ ، پیچیدگی اور نصوصِ شرعیہ کی تحریف و تاویل سے بہت دور ہے۔ اس عقیدۂ توحید خالص و عقیدۂ ختم رسالت کو دل و جان سے ماننے والا ہمیشہ (شیطانی حملے اور وسوسے سے) بے فکر ، اُس کا نفس نہایت اطمینان والا، شکوک و اوہام اور شیطانی وسوسوں سے بہت دور رہتا ہے۔ سلفی عقیدے والا مومن ، مسلمان ٹھنڈی آنکھ والا آدمی نہایت خوش رہتا ہے۔ اس لیے کہ :وہ اُمت اسلامیہ کے نبی آخر الزمان محمد رسول اللہ صلی اللہ علیہ وسلم کے صراط مستقیم اور آپ کے اصحاب اطہار و اخیارِ امّت رضی اللہ عنہم اجمعین کی راہِ ہدایت پر گامزن ہوتا ہے۔ چنانچہ اللہ عزوجل ارشاد فرماتے ہیں : ﴿إِنَّمَا الْمُؤْمِنُونَ الَّذِينَ آمَنُوا بِاللّٰهِ وَرَسُولِهِ ثُمَّ لَمْ يَرْتَابُوا وَجَاهَدُوا