عقیدہ فرقہ ناجیہ

وطریقتھم ھی دین الإسلام الذی بعث اللّٰه بہ محمدا صلی اللّٰه علیہ وسلم ۔ لکن لما أخبر النبی صلی اللّٰه علیہ وسلم أن أمتہ ستفترق علی ثلاث وسبعین فرقۃ کلھا فی النار إلا واحدۃ وھی الجماعۃ۔ وفی حدیث عنہ أنہ قال: [ھم من کان علی مثل ما أنا علیہ الیوم وأصحابی] وصار المتمسکون بالإسلام المحـض الخالص عن الشوب ھم أھل السنۃ والجماعۃ ۔وفیھم الصدیقون والشھداء والصالحون ومنھم أعلام الھدی ومصابیح الدجی أولوا المناقب المأثورۃ والفضائل المذکورۃ۔ ترجمہ: اہل السنۃ کا طریقہ دین اسلام ہے جسے اللہ تعالیٰ نے محمد صلی اللہ علیہ وسلم کو دیکر مبعوث فرمایا ہے،لیکن کیونکہ نبی صلی اللہ علیہ وسلم نے خبر دی ہے کہ آپ صلی اللہ علیہ وسلم کی اُمت تہتر(۷۳) فرقوں میں بٹ جائے گی اور سب کے سب جہنم کا ایندھن ہونگے سوائے ایک کے اور وہ ’’الجماعۃ‘‘ ہے ، ایک حدیث میں ہے آپ صلی اللہ علیہ وسلم نے فرمایا: [ھم من کان علی مثل ما أنا علیہ الیوم وأصحابی ] یعنی [جنتی گروہ وہ ہے جو اس منہج پر قائم ہو جس پر آج میں اور میرے صحابہ قائم ہیں ] (ترمذی، السلسلۃ الصحیحۃ (۳۰۳،۳۰۴) اس لئے خالص اسلام ،جو کہ ہر قسم کی ملاوٹ سے پاک ہے کو تھامنے والوں کو اہل السنۃ والجماعۃ کہا جاتا ہے۔ اہل السنۃ میں صدیقین بھی ہیں، شھداء بھی اور صالحین بھی، اور ان میں ایسے بھی ہیں جو ہدایت کے نشان ،روشن چراغ اور نبی صلی اللہ علیہ وسلم سے مأثور ومنقول ،مناقب وفضائل کے اہل ومستحق ہیں۔