عقیدہ فرقہ ناجیہ

کے حوالے سے ظلم وتعدی کا ارتکاب کرتا ہے آپ اس سے تسامح اور درگذری سے پیش آ ئیں اس سے باہم مودت پیداہوگی اور اجر وثواب ملے گا۔ ویأمرون ببر الوالدین۔وصلۃالأرحام ۔وحسن الجوار ۔ والإحسان إلی الیتامی والمساکین وابن السبیل ۔ ’’والدین کے ساتھ حسن سلوک، پڑوسیوں کے ساتھ اچھا برتاؤ،یتامیٰ مساکین اورمسافروں کے ساتھ احسان اور غلاموں کے ساتھ نرمی کا حکم دیتے ہیں ۔‘‘ یعنی اہل السنۃ بھی ان امور کا حکم دیتے ہیں جن اللہ تعالیٰ نے حکم دیا ہے مثلاً: ’’بر والدین‘‘اس کا معنی ہے، والدین کے ساتھ حسن سلوک کیا جائے اور ان کی اطاعت کی جائے الا یہ کہ وہ معصیت کا حکم دیں۔ ’’صلۃ الارحام‘ ‘ رشتہ داروں کے ساتھ صلہ رحمی اور حسنِ سلوک۔ ’’حسن الجوار‘‘ پڑوسیوں کے ساتھ حسنِ سلوک ،یعنی ان کے ساتھ اچھا برتاؤکیا جائے اور انہیں کسی قسم کی تکلیف نہ پہنچائی جائے۔ ’’والاحسان الی الیتامی والمساکین وابن السبیل‘‘ یعنی یتمیوں ،مسکینوں اور مسافروں کے ساتھ حسنِ سلوک کرنا۔ ’’الیتامیٰ‘‘ یتیم کی جمع ہے ،لغت میں ’’المنفرد‘‘(اکیلا) کو کہتے ہیں ،شرعی اصطلاح میں اس سے مراد وہ بچہ ہے جس کی بلوغت سے قبل اس کا باپ فوت ہوجائے۔ یتیموں کے ساتھ احسان یہ ہے کہ ان کے احوال واموال کی حفاظت کی جائے اور ان کے ساتھ انتہائی شفقت سے پیش آیا جائے۔ ’’المساکین‘‘ مسکین کی جمع ہے، مسکین اس شخص کو کہتے ہیں جسے حاجات اور فقرو فاقہ میں بے حرکت بنادیاہو۔(یعنی ضروریاتِ زندگی کا محتاج اور فقر وفاقہ کا شکار شخص)