عقیدہ فرقہ ناجیہ

معتزلہ اور خوارج کا یہ مذہب صریحاً با طل ہے ان کے اس مذہب کے بطلان پر کچھ ادلہ گزر چکے ہیں اور مزید آگے آئیں گے (ان شاء اللہ ) اس کے بعد شیخ رحمہ اللہ نے فاسق مسلمان کا حکم کتاب وسنت کے ادلہ کے ساتھ ذکر فرمایا ہے چنانچہ فرماتے ہیں ۔ ’’ بل الفاسق یدخل فی اسم الایمان المطلق کمافی قولہ تعالیٰ:{ فَتَحْرِیْرُ رَقَبَۃٍ مُّؤْمِنَۃٍ } وقدلایدخل فی اسم الایمان المطلق کمافی قولہ تعالیٰ{ اِنَّمَا الْمُؤْمِنُوْنَ الَّذِیْنَ اِذَا ذُکِرَ اللّٰه وَجِلَتْ قُلُوْبُھُمْ وَاِذَا تُلِیَتْ عَلَیْھِمْ آیَاتُہٗ زَادَتْھُمْ اِیْمَانًا} ‘‘ بلکہ فاسق ایمانِ مطلق کے اسم میںداخل ہوتا ہے جیسا کہ اللہ تعالیٰ کا فرمان ہے: { فَتَحْرِیْرُ رَقَبَۃٍ مُّؤْمِنَۃٍ } ( النساء:۹۲) ترجمہ’’اس پر ایک مسلمان غلام کی گردن آزاد کرنا ہے‘‘ اور کبھی ایمانِ مطلق کے اسم داخل نہیں بھی ہوتا،جیسا کہ اللہ تعالیٰ کافرمان ہے: { اِنَّمَا الْمُؤْمِنُوْنَ الَّذِیْنَ اِذَا ذُکِرَ اللّٰه وَجِلَتْ قُلُوْبُھُمْ وَاِذَا تُلِیَتْ عَلَیْھِمْ آیَاتُہٗ زَادَتْھُمْ اِیْمَانًا} (الانفال:۲) ترجمہ’’بس ایمان والے تو ایسے ہوتے ہیں کہ جب اللہ تعالیٰ کا ذکر آتا ہے تو ان کے قلوب ڈر جاتے ہیں اور جب اللہ کی آیتیں ان کو پڑھ کر سنائی جاتی ہیں تو وہ آیتیں ان کے ایمان کو اور زیادہ کردیتی ہیں‘‘ یعنی صحیح اوردرست بات یہ ہے کہ فاسق مسلمان ،ایمانِ مطلق کے اسم میں داخل ہے کیونکہ مطلق ایمان میں ایمانِ کامل اورایمانِ ناقص دونوں داخل ہیں ،اس کی دلیل اللہ تعالیٰ کا یہ فرمان: { فَتَحْرِیْرُ رَقَبَۃٍ مُّؤْمِنَۃٍ } ( النساء:۹۲)