عقیدہ فرقہ ناجیہ

الی قولہ : {اِنَّمَا الْمُوْمِنُوْنَ اِخْوَۃٌ فَأَصْلِحُوا بَیْنَ اَخَوَیْکُمْ } (الحجرات: ۹تا۱۰) ترجمہ:’’ اور اگر مسلمانوں کی دوجماعتیں آپس میں لڑ پڑیں تو ان میں میل ملاپ کرادیا کرو۔ پھر اگر ان دونوں میں سے ایک دوسری( جماعت) پر زیادتی کرے تو تم (سب ) اس گروہ سے جو زیادتی کرتا ہے لڑو۔یہاںتک کہ وہ اللہ کے حکم کی طرف لوٹ آئے ،اگر لوٹ آئے تو انصاف کے ساتھ صلح کرادواور عدل کرو بیشک اللہ تعالیٰ انصاف کرنے والوں کو دوست رکھتا ہے ۔یاد رکھو سارے مسلمان بھائی بھائی ہیں پس اپنے دو بھائیوں میں ملاپ کرادیا کرو‘‘ اس آیت سے وجہ استدلال یہ ہے کہ آپس میں قتال اور بغی کے باوجود دونوں گروہوں کو مؤمنین کہا گیا ہے اور ’’فاصلحوا بین اخویکم‘‘ میں دونوں گروہوں کو اہل ایمان کا بھائی قرار دیاگیا ہے۔ مذکورہ آیت کریمہ کا اجمالی معنی یہ ہے کہ اگر مسلمانوں کے دوگروہ آپس میں لڑ پڑیں تو مسلمانوں پر لازم ہے کہ ان میں صلح کرائیں اور ا نہیں اللہ کے حکم کی طرف دعوت دیں، اگر ایک فریق دوسرے پر تعدی کرتا ہے اور صلح قبول نہیں کرتا ، تو مسلمانوں پر لازم ہے کہ اس باغی گروہ سے قتال کریں تاآنکہ وہ اللہ کے حکم وامر کی طرف آجائے ،اگر باغی گروہ اپنی بغاوت سے رجوع کرلے اور کتاب اللہ سے فیصلہ کرانے پر آمادہ ہوجائے تو پھر مسلما نوں پر لازم ہے کہ وہ ان دونوں گروہو ں میں عدل وانصاف کے ساتھ فیصلہ کریں۔ اس کے بعد اللہ تعالیٰ نے مطلق اپنے تمام امور میں عدل وانصاف کرنے کاحکم ارشاد فرمایاہے ،چنانچہ فرمایا: { وَأَقْسِطُوْا اِنَّ اللّٰه یُحِبُّ الْمُقْسِطِیْنَ } (الحجرات:۹) ’’اور عدل کرو،بے شک اللہ تعالیٰ عدل کرنیوالوں سے محبت کرتا ہے‘‘ آیت مذکورہ میں جملہ ’’انما المؤمنون اخوۃ‘‘ (اہل ایمان آپس میں بھائی بھائی ہیں) پہلی بات