عقیدہ فرقہ ناجیہ

’’ إِنَّ ذِٰلکَ علَیَ اللّٰه یَسِیْرٌ ‘‘’’یہ سب کچھ اللہ تعالیٰ پر آسان ہے‘‘یعنی اللہ کے علم کا آسمان اور زمین کی ہر چیز کا احاطہ کرنا اور پھر اسے کتابت فرمانا اس پر آسان ہے۔ شا ہدآیت: آیتِ کریمہ میںہرچیز کے بارہ میں اللہ تعالیٰ کے علم اور لوحِ محفوظ میں اس کے مکتوب ہونے کا اثبات ہے اور درجہ اولیٰ انہی مراتب کو متضمن ہے۔ دوسری آیت:{ مَاأَصَابَ مِنْ مُّصِیْبَۃٍ فِی الْاَرْضِ وَلَافِیْ أَنْفُسِکُمْ اِلاَّفِیْ کِتٰبٍ مِّنْ قَبْلِ أَنْ نَّبْرَأَھَا إِنَّ ذٰ ِلکَ علَیَ اللّٰه یَسِیْرٌ } (الحدید:۲۲) ترجمہ:’’ نہ کوئی مصیبت دنیا میں آتی ہے نہ (خاص)تمہاری جانوں میں،مگر اس سے پہلے کہ ہم اس کو پیدا کریں وہ ایک خاص کتاب میں لکھی ہوئی ہے اللہ تعالیٰ پر تو یہ امر بالکل آسان ہے ‘‘ یعنی زمین میں جو مصیبت نازل ہوتی ہے مثلاً قحط ،بارش ، نباتات میں ضعف اور پھلوں کی کمی وغیرہ یا جومصیبت انسانوں میں نازل ہوتی ہے مثلاً: تکالیف،امراض اور تنگیٔ عیش وغیرہ یہ سب کچھ تخلیق وایجاد سے پہلے لوحِ محفوظ میں مکتوب ہے اور اتنے کثیر امور کا پہلے سے لوحِ محفوظ میں لکھ لینا اللہ تعالیٰ کیلئے بالکل سہل وآسان ہے ۔ شاہدآیت:یہ آیت اس بات کی دلیل ہے کہ تمام حوادث وقوع سے قبل ہی لوحِ محفوظ میںلکھے ہوئے ہیں ،اور اللہ تعالیٰ کاان حوادث کو وقوع سے پہلے لکھ لینا،اس کے وقوع سے پہلے علم کو متضمن ہے، اس لحاظ سے یہ آیت بھی مرتبۂ علم وکتابت کی ز بردست دلیل ہے۔ اسکے بعد شیخ ر حمہ اللہ نے تقدیر کی دونوع کی طرف اشارہ فرمایا ہے،تقدیر عام اور تقدیر خاص ۔ تقدیر عام: یہ کائنات کی ہرچیز کو شامل ہے ،اور یہی تقدیر لوحِ محفوظ میں مکتوب ہے، اس نوع پر مفصل بحث مع ادلہ گذرچکی ہے۔ تقدیر خاص: تقدیر کی یہ نوع درحقیقت نوع عام کی تفصیل ہے، اس کی پھر تین انواع ہیں ،تقدیر عمری ،تقدیر حولی،تقدیر یو می۔