عقیدہ فرقہ ناجیہ

’’ کَفٰی بِنَفْسِکَ الْیَّوْمَ عَلَیْکَ حَسِیْبًا ‘‘ (آج تو تو آپ ہی اپنا خود حساب لینے کو کافی ہے) حسیب بمعنی حاسب ہے ،اور بو جہ تمییز کے منصوب ہے ۔ یہ عظیم عدل ہے کہ ہر انسان کو اسکے نفس کا محاسب بنادیا جائے تاکہ وہ خود اپنے اعمال دیکھ لے اور کسی عمل کا انکار نہ کرسکے ۔ آیتِ کریمہ سے شاہد یہ ہے کہ اس آیت میں اس بات کا اثبات ہے کہ قیامت کے دن ہر انسان کو اس کا صحیفہ عمل دیا جائے گا اور وہ بغوربغیر کسی واسطے کے اسے پڑھے گا اور اپنے اعمال سے آگاہ ہوگا ۔ (۴) ’’ویحاسب اللّٰه الخلائق ‘‘( اور اللہ تعالیٰ مخلوق کا حساب لے گا) اللہ تعالیٰ کا حساب لینا یہ ہے کہ اللہ تعالیٰ بندوں کو ان کے اعمال ،جنہیں بندے بھول چکے ہوں گے کی یاد دھانی کرائے گا اور پھر جزائے اعمال سے انہیں آگاہ کرے گا۔ دوسرے لفظوں میںاللہ تعالیٰ کا حساب لینا یہ ہے کہ اللہ تعالیٰ کا بندوں کو ان کے محشر سے انصراف سے پہلے ان کے اعمال خواہ خیر ہو یا شر، سے آگاہ کرنا۔ اس کے بعد شیخ رحمہ اللہ نے حساب کو دوقسموں میں تقسیم کیا ہے۔ ا لنوع الاول :مؤمن کا حساب اس کے متعلق شیخ رحمہ اللہ نے فرمایا: کہ اللہ تعالیٰ علیحدگی میںمؤمن بندے سے اس کے گناہوں کا اعتراف کرائے گا،جیسا کہ کتاب اللہ وسنت میںوارد ہے،اللہ تعالیٰ کافرمان: { فَأَمَّا مَنْ أُوْتِیَ کِتَابَہٗ بِیَمِیْنِہٖ فَسَوْفَ یُحَاسَبُ حِسَابًا یَّسِیْرًا ۔وَیَنْقَلِبُ اِلٰی أَھْلِہٖ مَسْرُوْرًا } (الانشقاق:۷تا۹) ترجمہ:’’تو(اس وقت) جس شخص کے داہنے ہاتھ میں اعمال نامہ دیا جائے گا۔ اس کا حساب تو بڑی آسانی سے لیا جائے گا۔ اور وہ اپنے اہل کی طرف ہنسی خوشی لوٹ آئے گا‘‘ صحیحین میں ابن عمر رضی اللہ عنہ سے مروی ہے کہ میں نے نبی صلی اللہ علیہ وسلم کو یہ فرماتے ہوئے سنا: