عقیدہ فرقہ ناجیہ

موازین ،میزان کی جمع ہے ،یہاں میزان سے مراد وہ ترازو ہے جس سے نیکیاں اور بدیاں تولی جائیں گی،یہ میزان حقیقی ہے ،اس کا کانٹا اور دوپلڑے ہوںگے ۔میزان بھی امورِ آخرت سے تعلق رکھتا ہے، حدیث میں جس طرح اس کا ذکر آیا ہے ہم اس پر ایمان رکھتے ہیں ،اس کی کیفیت وغیرہ سے بحث نہیں کرتے ۔ وزن ِ اعمال میں حکمت یہ ہے کہ مقادیرِ اعمال ظاہر کی جائیں تاکہ ان کے مطابق جزا مرتب ہوسکے۔ آیت ِکریمہ :’’ فَمَنْ ثَقُلَتْ مَوَازِیْنُہٗ فَأُولٰئِکَ ھُمُ المُفْلِحُوْنَ‘‘ کا مطلب ہے کہ جن کی نیکیاں ان کی بدیوں پر بھاری ہوگئیں وہ آگ سے نجات پاجائیں گے اور دخولِ جنت کے مستحق ہوں گے۔ آیت کریمہ: ’’وَمَنْ خَفَّتْ مَوَازِیْنُہٗ فَأُوْلٰئِکَ الَّذِیْنَ خَسِرُوْا أَنْفُسَھُمْ فِی جَھَنَّمَ خَالِدُوْنَ ‘‘ کا مطلب ہے کہ جن لوگوں کی بدیاں نیکیوں پر بھاری ہوجائیں گی وہ ناکام ونامراد ہوں گے اورجہنم میں داخل ہوں گے اور ہمیشہ جہنم میں رہیں گے ۔ آیت ِکریمہ میں شاہد یہ ہے کہ اس میں موازین کا ا ثبات ہے ،اور یہ وزنِ اعمال روزِ قیامت ہوگا ،وزن اور موازین کا ذکر قرآن مجید میں متعدد مقام پر ہواہے، نصوص سے پتہ چلتا ہے کہ وزن، عمل ،عامل اورصحائف سب کا ہوگا ،ان نصوص میں کوئی منافات نہیں ہے، وزن تو سب کا ہوگا لیکن بوجھل اور ہلکا پن ہونے میں اعتبار صرف نفسِ عمل کا ہوگا ،ذات ِ عامل اور صحائف کا اعتبار نہیں ہوگا۔ معتزلہ ان نصوص کی تاویل کرتے ہیں ، ان کا کہنا ہے کہ وزن ومیزان سے مراد عدل ہے ،ان کی یہ تاویل فاسد ہے اور نصوص ،اجماعِ سلفِ صالحین وأئمہ امت کے خلاف ہے ۔ امام شوکانی رحمہ اللہ فرماتے ہیں:’’ معتزلہ نے وزن وموازین وغیرہ کا عقلاً محال وناممکن