عقیدہ فرقہ ناجیہ

’’اصحاب‘‘ صاحب کی جمع ہے ،آل کے بعد اصحاب کا ذکر عطف الخاص علی العام کے قبیل سے ہے ،(یعنی عام کے ذکرکے بعد خاص الخاص لوگوں کا ان کی اہمیت کی بنیاد پر ذکر کیا ) صحابی سے مراد ہر وہ شخص جس کی نبی صلی اللہ علیہ وسلم سے بحالتِ ایمان ملاقات ثابت ہو ،پھر اسی ایمان پر اس کی موت آئی ہو۔ ’’ السلام‘‘ التحیۃ یعنی تحفہ کے معنی میں ہے ،یا سلام کا معنی تمام نقائص وعیوب سے سلامتی میں آجانا ۔ ’’ تسلیما مزیدا‘‘ سے مراد زیادہ سلامتی ،جو مسلسل بڑھتی رہے۔ ’’مزید‘‘ زیادۃ سے سے اسم مفعول کا صیغہ ہے ۔ صلاۃ وسلام دونوں کو اس لیئے جمع فرمایا تاکہ اللہ تعالیٰ کے اس امر پر عمل ہوجائے : { یَاأَیُّھَا الَّذِیْنَ آمَنُوا صَلُّوا عَلَیْہِ وَسَلِّمُوا تَسْلِیْمًا } (الاحزاب :۵۶) ترجمہ:’’ اے ایمان والو!تم بھی ان پر درود بھیجواورخوب سلام (بھی ) بھیجتے رہا کرو‘‘