عقیدہ فرقہ ناجیہ

’’ وَلَمَّا جَائَ مُوْسیٰ لِمِیْقَاتِنَا‘‘یعنی موسیٰ علیہ السلام اس وقت فی ا لواقع آگئے جس وقت آنے کا اللہ تعالیٰ نے ان سے وعدہ لیا تھا۔ ’’وَکَلَّمَہٗ رَبُّہٗ‘‘یعنی اللہ تعالیٰ نے موسیٰ علیہ السلام کو بلاواسطہ اپنی کلام سنائی۔ ان آیات میں اللہ تعالیٰ کیلئے صفتِ کلام کا اثبات ہے اور یہ بات بھی ثابت ہوتی ہے کہ اللہ تعالیٰ جب چاہتا ہے کلام فرماتا ہے اور یہ بات بھی ثابت ہوتی ہے کہ اللہ تعالیٰ نے موسیٰ علیہ السلام سے بلاواسطہ کلام فرمایا۔ { وَنَا دَ یْنَا ہُ مِنْ جَا نِبِ ا لطُّوْرِ الْاَیْمَنِ۔ وَقَرَّبْنَاہُ نَجِیًّا}(مریم:۵۲) ترجمہ:’’ ہم نے اسے طور کی دائیں جانب سے آواز دی اور راز گوئی کرتے ہوئے اسے قریب کرلیا ‘‘ …شرح… ’’وَنَا دَ یْنَا ہُ ‘‘’’نداء‘‘ عربی لغت میں ا ونچی اور بلند آواز کو کہتے ہیں ۔ یہاں اللہ تعالیٰ کی موسیٰ علیہ السلام سے نداء مراد ہے ۔’’مِنْ جَا نِبِ الطُّوْرِ‘‘’’‘الطُّوْر‘‘ مصر اور مدین کے درمیان ایک پہاڑ ہے۔ ’’ا لأیمن‘‘یعنی موسیٰ علیہ السلام کے دائیں جانب(سے نداء آئی)۔یہ اس وقت کی بات ہے جب موسیٰ علیہ السلام آگ کا انگارہ دیکھ کر آگ لینے کی نیت سے گئے تھے ،یہاں دائیں جانب سے مراد پہاڑ کی دا ئیںجانب نہیں کیوں کہ پہاڑ کی دا ئیں یا بائیں جانب نہیں ہوتی۔ ’’وقربناہ ‘‘ یعنی ہم نے اسے(موسیٰ ) کو قریب کیا اور اس سے سرگوشی کے انداز میں کلام کی۔مناجات، منادات کی ضد ہے۔ اس آیت میں اللہ تعالیٰ کیلئے کلام کا اثبات ہے، اور یہ کہ اللہ تعالیٰ اونچی آواز اور آہستہ دونوں طرح کلام فرماتا ہے، کیونکہ منادات باآواز بلند ہوتی ہے اور مناجات باآواز پست ۔