عقیدہ فرقہ ناجیہ

الحمد اللّٰه الذی ارسل رسولہ بالھدی ودین الحق لیظھرہ علی الدین کلہ وکفی باللّٰه شھیدا ۔وأشھدأن لاالہ الا اللّٰه وحدہ لاشریک لہ اقرارا بہ وتوحیدا ۔ وأشھد أن محمدا عبدہ ورسولہ صلی اللّٰه علیہ وعلیٰ آلہ وسلم تسلیما مزیدا ۔ عبارت کی تشریح … شر ح … مؤلف رحمہ اللہ نے اپنے اس عظیم الشان رسالہ کا آغاز اس خطبہ سے فرمایا ہے ،جو کہ اللہ تعالیٰ کی حمد وثناء ،شھادتین (یعنی توحید ورسالت کی گواہی) اور رسول اللہ صلی اللہ علیہ وسلم کی ذاتِ اقدس پر درود وسلام پر مشتمل ہے ۔ اس سے رسول اللہ صلی اللہ علیہ وسلم کی اقتداء مقصود ہے ،چنانچہ آپ صلی اللہ علیہ وسلم کی اہم گفتگواور خطبے حمد وثناء ،درود و سلام اور شھادتین سے شروع ہوتے تھے ۔نیز اس سے نبی صلی اللہ علیہ وسلم کے اس فرمان پر بھی عمل مقصود ہے : [کل أ مر ذی با ل لایبدأ فیہ بحمد ا للّٰه فھو اقطع ] ( ابوداؤد) ترجمہ:[اہمیت والا کوئی بھی کام اگر الحمد للہ سے شروع نہ کیا جائے تو وہ برکت سے خالی ہوگا] ایک روایت میں ’’ا لحمد ﷲ‘‘ کی جگہ ’’بسم اللّٰه ا لرحمن ا لرحیم ‘ ‘کے الفاظ وارد ہوئے ہیں۔ ان دونوں روایتوں میں جمع کی صورت یہ ہے کہ بسم اللّٰه الرحمن الرحیم سے شروع کرنا ابتداءِ حقیقی ہے ، جبکہ الحمد اللّٰه سے آغاز ابتداءِ نسبی اور اضافی ہے۔ ’’ الحمد ﷲ‘‘ میں الف لام استغراقی ہے ۔ جس کامعنی یہ ہے کہ تمام تعریفوں کا صرف اللہ تعالیٰ ہی مالک اور مستحق ہے ۔ ’’حمد ‘‘ کا لغوی معنی ایسی ثناء جو صفاتِ جمیلہ اور افعالِ حسنہ کیساتھ کی جائے ۔عرفِ