عقیدہ اہل سنت والجماعت(شرح عقیدہ واسطیہ)

’’اَلْاَزْلُ‘‘ سے مشتق ہے جس کا معنی ہے (زمانہ کی) تنگی اور سختی (اور زندگی کی پریشانی)۔ کہا جاتا ہے ’’اَزِلَ الرَّجُلُ یَاْذَلُ اَزْلًا‘‘ یعنی وہ تنگی و پریشانی اور خشک سالی میں مبتلا ہو گیا۔ یہ فعل باب ’’سَمِعَ یَسْمَعُ‘‘ سے ہے۔ _________________________________________________ اصل متن :… وقولہ صلي اللّٰه عليه وسلم : ((لا تزال جھنم یلقی فیھا، وھی تقول: ھل من مزید؟ حتی یضع رب العزۃ فیھا رجلہ)) وفی روایۃ: (علیھا قدمہ فینزوی بعضھا الی بعض، فتقول: قط قط)) متفق علیہ۔ وقولہ: (یقول تعالیٰ: یا آدم فیقول: لبیک وسعدیک، فینادی بصورت: ان اللّٰه یأمرک أن تخرج من ذریتک بعثاً الی النار۔)) متفق علیہ۔ حدیث نمبر ۴: نبی کریم صلی اللہ علیہ وسلم کا ارشاد ہے: ’’جہنم میں جہنمیوں کو ڈالا جاتا رہے گا اور وہ (پھر بھی) یہ کہتی رہے گی۔‘‘ کیا (میرے اندر جھونکنے کے لیے) کوئی اور (سزاوار جہنم ) ہے؟ یہاں تک کہ (اسے خاموش کرانے کے لیے) رب تعالیٰ اس میں اپنا پاؤں رکھ دیں گے اور ایک روایت میں ہے کہ اس پر اپنا قدم رکھ دیں گے۔ پس جہنم (کی آگ کی لپٹیں ) ایک دوسرے میں گھسنے لگیں گی اور وہ کہنے لگے گی، ’’بس بس!‘‘ (متفق علیہ) [1] حدیث نمبر ۵: نبی کریم صلی اللہ علیہ وسلم کا ارشاد ہے: ’’رب تعالیٰ (آدم علیہ السلام سے) ارشاد فرمائیں گے: ’’اے آدم!‘‘ وہ عرض کریں گے، ’’اے میرے پروردگار! میں حاضر ہوں اور سراپا تسلیم ہوں !‘‘ پس رب تعالیٰ انہیں آواز کے ساتھ پکاریں گے کہ ’’اللہ تمہیں اس بات کا حکم دیتے ہیں کہ تم اپنی اولاد میں سے ایک جماعت کو جہنم کی طرف سے نکالو!‘‘ (متفق علیہ) [2] _________________________________________________ شرح:… رب تعالیٰ کے لیے ’’رجل‘‘ (پاؤں ) اور ’’قَدَم‘‘ کا اثبات: حدیث نمبر ۴: ’’لَا تَزَل جَھَنَّمُ ……‘‘ میں رب تعالیٰ کے لیے ’’رِجل‘‘ اور قدم کا اثبات ہے۔ یہ صفت بھی دوسری صفات کی طرح ہے لہٰذا رجل اور قدم اس طور پر ثابت ہیں جو اس کی عظمت و کبریائی کی شان کے لائق ہیں ۔ اور جہنم میں رب تعالیٰ کے پاؤں رکھنے کی حکمت یہ ہے

[1] بخاری: کتاب التفسیر باب قولہ: ’’وتقول ھل من مزید‘‘ حدیث رقم: ۴۸۴۸۔ [2] بخاری: کتاب احادیث الانبیاء باب قصۃ یاجوج و ماجوج، حدیث رقم: ۳۳۴۸۔