عقیدہ اہل سنت والجماعت(شرح عقیدہ واسطیہ)

اصل متن :… وقولہ: ﴿وُجُوْہٌ یَّوْمَئِذٍ نَّاضِرَۃٌo اِِلٰی رَبِّہَا نَاظِرَۃٌ﴾ (القیامۃ: ۲۲۔ ۲۳) وقولہ: ﴿عَلَی الْاَرَآئِکِ یَنظُرُوْنَ﴾ (المطففین: ۲۳) وقولہ: ﴿لِلَّذِیْنَ اَحْسَنُوا الْحُسْنٰی وَ زِیَادَۃٌ﴾ (یونس: ۲۶) وقولہ: ﴿لَہُمْ مَّا یَشَائُ وْنَ فِیْہَا وَلَدَیْنَا مَزِیْدٌ﴾ (ق: ۳۵) ارشاد باری تعالیٰ ہے: ’’اس دن بہت سے منہ رونق دار ہوں گے (اور) اپنے پروردگار کے محودیدار ہوں گے۔‘‘ اور فرمایا: ’’(اور) تختوں پر (بیٹھے ہوئے ان کا حال) دیکھ رہے ہوں گے۔‘‘ اور فرمایا: ’’جن لوگوں نے نیکوکاری کی ان کے لیے بھلائی ہے اور (مزید برآں ) اور بھی۔‘‘ اور فرمایا: ’’وہاں وہ جو چاہیں گے ان کے لیے حاضر ہے اور ہمارے ہاں اور بھی (بہت کچھ) ہے۔‘‘ _________________________________________________ شرح:… جنت میں اہل ایمان کا رب تعالیٰ کا دیدار حق ہے: (سورۂ قیامہ اور سورۂ مطففین کی) یہ آیات اس بات کو ثابت کرتی ہیں کہ روز قیامت جنت میں اہل ایمان کے لیے رب تعالیٰ کی رؤیت ثابت (اور برحق) ہے۔ معتزلہ کا رؤیت باری تعالیٰ سے انکار، اس کے دلائل اور ان کا رد: معتزلہ نے یہ کہہ کر رؤیت باری تعالیٰ کی نفی ہے کہ رب تعالیٰ کے لیے کوئی جہت نہیں ۔ اور اس دلیل کی تفصیل یہ ہے کہ جس چیز کو دیکھنا مقصود ہے اس کی کوئی نہ کوئی جہت ہونا ضروری ہے۔ جہاں سے دیکھنے والا اس کو دیکھ سکے اور جب تک کسی چیز میں جہت مستحیل ہے جو رؤیت کی شرط ہے اس وقت تک رؤیت بھی مستحیل ہے (اور چونکہ رب تعالیٰ کی کوئی جہت نہیں اس لیے کسی کے لیے رب تعالیٰ کی رؤیت ممکن نہیں )۔ اور انہوں نے اپنی نقلی دلیل میں یہ آیت پیش کی ہیں ۔ ارشاد باری تعالیٰ ہے: ﴿لَا تُدْرِکُہُ الْاَبْصَارُ﴾ (الانعام: ۱۰۳) ’’(وہ ایسا ہے کہ) نگاہیں اس کا ادراک نہیں کر سکتیں ۔‘‘ جب موسیٰ علیہ السلام نے رب تعالیٰ سے سوال کیا وہ اسے دیکھنا چاہتے ہیں تو رب تعالیٰ نے انہیں جواب میں یہ ارشاد فرمایا ہے: