عقیدہ اہل سنت والجماعت(شرح عقیدہ واسطیہ)

حروف جارہ ایک دوسرے کے معانی میں استعمال ہوتے رہتے ہیں : ’’فی السماء‘‘ کی ترکیب سے یہ نہ سمجھا جائے کہ آسمان اللہ کے لیے ظرف ہے (کہ فی ظرفیت کے لیے آتا ہے اور ’’فی‘‘ کا مدخول ظرف اور ماقبل مذکور مظروف ہوتا ہے اور ظرف کا مظروف کو محیط ہونا بھی ہے۔ لہٰذا یہ نہ سمجھا جائے کہ آسمان اگر ظرف ہے تو باری تعالیٰ کی ذات کو محیط ہے کہ اس کو کوئی محیط نہیں ۔) بلکہ اگر آسمان سے مراد یہ معروف آسمان ہے (جس کو بچہ بچہ جانتا ہے) تو پھر یہاں ’’فی‘‘ ’’علیٰ‘‘ حرفِ جر کے معنی میں ہو گا۔ جیسا کہ اس آیت میں بھی ’’فی‘‘ ’’علی‘‘ کے معنی میں ہے: ﴿لَاُوصَلِّبَنَّکُمْ فِیْ جُذُوْعِ النَّخْلِ﴾ (طہ: ۷۱) ’’اور کھجور کے تنوں پر سولی چڑھوا دوں گا۔‘‘ اگر یہاں آسمان سے مراد جہت علو ہے تو پھر ’’فی‘‘ اپنے حقیقی معنی میں ہے کیوں کہ رب تعالیٰ بلند ترین بلندی میں ہے۔ _________________________________________________ اصل متن :… وقولہ: ﴿ہُوَ الَّذِیْ خَلَقَ السَّمٰوٰتِ وَالْاَرْضَ فِیْ سِتَّۃِ اَیَّامٍ ثُمَّ اسْتَوٰی عَلٰی الْعَرْشِ یَعْلَمُ مَا یَلِجُ فِی الْاَرْضِ وَمَا یَخْرُجُ مِنْہَا وَمَا یَنْزِلُ مِنْ السَّمَآئِ وَمَا یَعْرُجُ فِیْہَا وَہُوَ مَعَکُمْ اَیْنَ مَا کُنْتُمْ وَاللّٰہُ بِمَا تَعْمَلُوْنَ بَصِیْرٌ﴾ (الحدید: ۴) ارشاد باری تعالیٰ ہے:’’وہی ہے جس نے آسمانوں اور زمین کو چھ دن میں پیدا کیا پھر عرش پر جا ٹھہرا۔ جو چیز زمین میں داخل ہوتی ہے اور جو اس سے نکلتی ہے اور جو آسمان سے اترتی ہے اور جو اس کی طرف چڑھتی ہے سب اس کو معلوم ہے اور تم جہاں کہیں ہو وہ تمہارے ساتھ ہے اور جو کچھ تم کرتے ہو اللہ اس کو دیکھ رہا ہے۔‘‘ _________________________________________________ شرح:… رب تعالیٰ کی صفت معیت کا بیان: یہ آیت رب تعالیٰ کی صفت معیت کے اثبات کو متضمن ہے۔ معیت کی اقسام: معیت کی دو قسمیں ہیں ، معیت عامہ شاملہ (اور معیت خاصہ) معیتِ عامہ: یہ رب تعالیٰ کی وہ معیت جو رب تعالیٰ کی تمام مخلوقات کو شامل ہے۔ چناں چہ رب تعالیٰ اپنے علم، قدرت، قہر اور احاطہ کے ساتھ ہر چیز کے ساتھ ہے، نہ کوئی شی اس سے اوجھل