عقیدہ اہل سنت والجماعت(شرح عقیدہ واسطیہ)

وہ حرکت کرنے لگے؟ یا تم اس سے بے خوف ہو گئے ہو جو آسمان میں ہے کہ وہ تم پر پتھراؤ والی آندھی بھیج دے، پھر عنقریب تم جان لو گے کہ میرا ڈرانا کیسا ہے؟ _________________________________________________ شرح:… رب تعالیٰ کے آسمانوں میں ہونے پر قول موسیٰ علیہ السلام سے استدلال: یہ آیت اس بات کی دلیل ہے کہ سیدنا موسیٰ علیہ السلام نے سرکش فرعون کو یہ بتلایا تھا کہ اللہ آسمان میں ہے چناں چہ اس نے اپنی قوم (کے سامنے ملمع سازی کرتے ہوئے اور ان) سے حق پوشی کرتے ہوئے رستوں کے اپنانے کا فیصلہ کیا تاکہ اللہ تک پہنچنے۔ چناں چہ اس نے وزیر ہامان کو ایک محل تیار کرنے کا حکم دیا۔ پھر اس کے ساتھ ہی یہ کہہ دیا کہ ’’رب تعالیٰ کے آسمان میں ہونے کی خبر دینے کی بابت مجھے تو موسیٰ سچے نہیں لگتے۔‘‘ اب (قارئین فرعون کے اس جھٹلانے کو پڑھ لینے کے بعد خود ہی فیصلہ کر لیں کہ) فرعون کے زیادہ قریب اور اس کے زیادہ مشابہ کون ہیں ، ہم یا معطلہ؟کہ فرعون نے اس بات میں موسیٰ علیہ السلام کو جھٹلایا کہ اللہ آسمان میں نہیں اور یہ بعینہ وہی بات ہے جو معطلہ کہتے ہیں ۔ _________________________________________________ اصل متن :… وقولہ: ﴿ئَ اَمِنتُمْ مَّنْ فِی السَّمَآئِ اَنْ یَّخْسِفَ بِکُمْ الَارْضَ فَاِِذَا ہِیَ تَمُوْرُo اَمْ اَمِنتُمْ مَّنْ فِی السَّمَآئِ اَنْ یُّرْسِلَ عَلَیْکُمْ حَاصِبًا فَسَتَعْلَمُوْنَ کَیْفَ نَذِیرِ﴾ (الملک: ۱۶،۱۷) ارشاد باری تعالیٰ ہے:’’کیا تم اس سے جو آسمانوں میں ہے بے خوف ہو کہ تم کو زمین دھنسا دے اور وہ اس وقت حرکت کرنے لگے کیا تم اس سے جو آسمان میں نڈر ہو کہ تم پر کنکر بھری ہوا چھوڑے، سو تم عنقریب جان لو گے کہ میرا ڈرانا کیسا ہے۔‘‘ _________________________________________________ شرح:… اللہ آسمان میں ہے: یہ دونوں آیات بھی اس باب میں صریح ہیں کہ رب تعالیٰ آسمان میں ہے اور اس کو عذاب یا امر یا فرشتہ پر محمول کرنا جائز نہیں کیوں کہ رب تعالیٰ نے ان آیات میں لفظ ’’مَنْ‘‘ کو ذکر کیا ہے جو ذوی العقول کے لیے آتا ہے اور اس کو فرشتے پر محمول کرنا لفظ کو اس کے ظاہر سے بغیر کسی قرینہ کے نکالنا ہے جو ظاہر سے نکالنے کو مقتضی ہو۔