عقیدہ اہل سنت والجماعت(شرح عقیدہ واسطیہ)

عفوودرگزر کی کامل ترین صورت: جب عفوودرگزر کی کامل ترین صورت یہ تھی کہ کوئی انتقام اور مواخذہ کی قدرت کے ہوتے ہوئے معاف کرے اور عفو و درگزر کرے، تو اس آیت میں بھی اور دوسری آیت میں بھی ’’عفو‘‘ کو ’’قدرت‘‘ کے ساتھ ملا کر رب تعالیٰ کے ان دو ناموں ’’عفو اور تدبر‘‘ کو ذکر کیا۔ قدرت کی تفسیر: قدرت رب تعالیٰ کی وہ صفت ہے جس کا ممکنات کے ایجاد کرنے اور انہیں معدوم کرنے کے ساتھ تعلق ہے۔ چناں چہ اس کائنات میں جو کچھ بھی واقع ہوا ہے وہ رب تعالیٰ کی قدرت و مشیئت سے واقع ہوا ہے، جیسا کہ حدیث شریف میں آتا ہے: ’’جو اللہ نے چاہا وہ ہوا اور جو نہ چاہا وہ نہ ہوا۔‘‘[1] ستانے والوں سے بھی درگزر کیجیے! سورۂ نور کی مذکورہ آیت ’’وَلْیَعْفُوْا وَلْیَصْفَحُوْا……‘‘ سیدنا ابوبکر رضی اللہ عنہ کےبارے میں نازل ہوئی کہ جب انہوں نے مسطح بن اثاثہ رضی اللہ عنہ پر خرچ نہ کرنے کی قسم اٹھالی۔ کیوں کہ یہ بھی ان لوگوں میں سے ایک تھے جنہوں نے واقعۂ افک (سیدنا عائشہ رضی اللہ عنہا پر تہمت لگانے) میں حصہ لیا تھا جب کہ مسطح رضی اللہ عنہ کی ماں سیدنا ابوبکر رضی اللہ عنہ کی خالہ زاد بہن تھیں (مگر اس کے باوجود بھی انہوں نے مسطح پر خرچ نہ کرنے کی قسم اٹھالی) اس پر یہ آیت نازل ہوئی (کہ ان کو چاہیے کہ معاف کر دیں اور درگزر کریں کیا تم پسند نہیں کرتے کہ اللہ تمہیں بخش دے اور اللہ تو بخشنے والا مہربان ہے)۔ تو سیدنا ابوبکر رضی اللہ عنہ نے (قرآن کریم کے اس پروقار بیان کو سن کر بے ساختہ) کہا: ’’اللہ کی قسم! مجھے یہ بات پسند ہے کہ اللہ مجھے بخش دے‘‘ اور مسطح رضی اللہ عنہ پر دوبارہ خرچ کرنا شروع کر دیا۔‘‘[2] عبداللہ بن ابی کی رسوائی: سورۂ منافقون کی آیت ’’وَلِلَّہِ الْعِزَّۃُ وَلِرَسُوْلِہٖ وَلِلْمُؤْمِنِیْنَ‘‘ رئیس المنافقین عبداللہ بن ابی بن سلول کے بارے میں نازل ہوئی۔ جس کا قصہ یہ ہے کہ ایک غزوہ میں (واپسی کے سفر میں ) اس نے (منافقانہ انداز اختیار کرتے ہوئے کھلے بندوں ) اس بات کی قسم اٹھائی (جس کو بھرے مجمع نے سنا) کہ ’’وہ اور اس کے ساتھی (معاذ اللہ) مدینہ (پہنچ کر وہاں ) سے جناب رسول اللہ صلی اللہ علیہ وسلم کو

[1] اسنادہ ضعیف اخرجہ ابو داؤد کتاب الادب باب ما یقول اذا اصبح حدیث رقم: ۵۰۷۵۔ [2] البخاری: کتاب الشہادات باب تعدیل النساء بعضھن بعضاً۔ حدیث رقم: ۲۶۶۱۔