عقیدہ اہل سنت والجماعت(شرح عقیدہ واسطیہ)

اب آپ خود ہی دیکھ لیجیے کہ اگر رب تعالیٰ کے (اس کی شان کے لائق) دو ہاتھ نہ ہوتے تو بھلا ’’بسط یدین‘‘ (دونوں ہاتھوں کے کشادہ اور فراخ ہونے) کی یہ تعبیر عمدہ ہو سکتی تھی۔ناس ہو ان تاویل کرنے والوں کا! _________________________________________________ اصل متن :… وقولہ: ﴿وَاصْبِرْ لِحُکْمِ رَبِّکَ فَاِِنَّکَ بِاَعْیُنِنَا﴾ (الطور: ۴۸) و قولہ:﴿وَاصْبِرْ لِحُکْمِ رَبِّکَ فَاِِنَّکَ بِاَعْیُنِنَا﴾ (الطور: ۴۸) و قولہ:﴿وَحَمَلْنَاہُ عَلٰی ذَاتِ اَلْوَاحٍ وَّدُسُرٍo تَجْرِیْ بِاَعْیُنِنَا جَزَآئً لِمَنْ کَانَ کُفِرَ﴾ (القمر: ۱۳۔۱۴) وقولہ: ﴿وَ اَلْقَیْتُ عَلَیْکَ مَحَبَّۃً مِّنِّیْ وَ لِتُصْنَعَ عَلٰی عَیْنِیْ﴾ (طہ: ۳۹) ’’اور تم اپنے پروردگار کے حکم کے انتظار میں صبر کیے رہو، تم تو ہماری آنکھوں کے سامنے ہو۔‘‘ ’’اور ہم نے نوح کو ایک کشتی پر جو تختوں اور میخوں سے تیار کی گئی تھی سوار کر لیا۔ وہ ہماری آنکھوں کے سامنے چلتی (یہ سب کچھ) اس شخص کے انتقام کے لیے (کیا گیا) جس کو کافر مانتے نہ تھے۔‘‘ ’’ اور (موسیٰ) میں نے تم پر اپنی محبت ڈال دی (اس لیے کہ تم پر مہربانی کی جائے) اور اس لیے کہ تم میرے سامنے پرورش پاؤ۔‘‘ _________________________________________________ شرح:… رب تعالیٰ کے لیے صفت ’’عین‘‘ ثابت ہے: یہ تینوں آیات رب تعالیٰ کے لیے ایسی ’’عین‘‘ تو ثابت کرتے ہیں جس سے وہ سب مرئیات (دیکھی جانے والی چیزیں ) دیکھتا ہے۔ یہ رب تعالیٰ کی حقیقی صفت ہے جو اس کی شان کے لائق (اس کے حق میں ثابت) ہے اور رب تعالیٰ کے لیے آنکھ کو ثابت کرنا اس بات کو متقضی نہیں کہ وہ رب تعالیٰ کا ایک ایسا عضو ہو جو چربیوں ، پٹھوں اور رگوں وغیرہ سے مرکب ہو۔ عین کی تفسیر باطل کی حقیقت: معطلہ نے عین کی جو تفسیر رؤیت یا حفظ و رعایت سے کی ہے وہ دراصل عین کی نفی اور نظریۂ تعطیل ہے۔بعض آیات میں اس کا ذکر مفرد اور بعض میں اس کا ذکر جمع آنے میں بھی ان کے ہاتھ کوئی دلیل نہیں آسکتی کیوں کہ لغت عرب میں اس (تعبیر) کی وسعت و گنجائش ہے کہ لغت عرب