اپنے گھر کی اصلاح کیجیے

لیا گیا۔‘‘ [1] ۵۔شیطان سے محفوظ رہنے کے لیے روزانہ سورۃ البقرۃ تلاوت کی جائے : رسول اللہ صلی اللہ علیہ وسلم نے فرمایا: ( (لَا تَجْعَلُوْا بُیُوْتَکُمْ قُبُوْرًا فَاِنَّ الشَّیْطَانَ یَنْفِرُ مِنَ الْبَیْتِ الَّذِیْ تَقْرَأُ فِیْہِ سُوْرَۃُ الْبَقَرَۃِ۔))[2] ’’اپنے گھروں کو قبر ستان نہ بناؤ، اس لیے کہ جس گھر میں سورۃ بقرۃ کی تلاوت کی جاتی ہے اس سے شیطان بھاگتاہے۔‘‘ نیز رسول اللہ صلی اللہ علیہ وسلم نے فرمایا: ( (إِقْرَأُوْا سُوْرَۃُ الْبَقَرَۃِ فِیْ بُیُوْتِکُمْ فَإِنَّ الشَّیْطَانَ لَا یَدْخُلُ بَیْتًا یَقْرَأُ فِیْہِ سُوْرۃُ الْبَقَرَۃِ۔))[3] ’’اپنے گھروں میں سورۂ بقرہ پڑھا کرو، اس لیے کہ جس گھر میں سورۂ بقرہ پڑھی جاتی ہے اس میں شیطان داخل نہیں ہوتا۔‘‘ اسی طرح سورۂ بقرہ کی آخری دو آیتوں کی فضیلت اور اس کی تلاوت کے بارے میں وارد ہے کہ رسول اللہ صلی اللہ علیہ وسلم نے فرمایا: ’’اللہ تعالیٰ نے زمین وآسمان کی پیدائش سے ہزار سال قبل ایک کتاب لکھی جو عرش کے نزدیک تھی، اللہ تعالیٰ نے اس میں سے دو آیتوں کو نازل فرمایا جن پر سورۂ بقرہ ختم ہوتی ہے، تین رات بھی کسی گھر میں نہیں پڑھی جاتی ہے کہ شیطان اس گھر سے قریب نہیں ہوتا۔‘‘ [4]

[1] ابوداؤد: ۵۰۹۵، ترمذی: ۳۴۲۶، صحیح الجامع: ۴۹۹۔ [2] مسلم بشرح النووی: ۱/۵۳۹۔ [3] مستدرک لحاکم: ۱/۵۶۱، صحیح الجامع: ۱۱۷۰۔ [4] صحیح الجامع: ۱۷۹۹۔