اپنے گھر کی اصلاح کیجیے

گھر والوں کی اخلاقی تربیت ۱۔گھر میں اخلاق ونرمی کا فروغ: بلاشبہ جو کام شفقت ونرمی اور پیار ومحبت سے پورا ہوجاتاہے۔ وہ عنف وسختی اور زور وزبردستی سے پورا نہیں ہوتا، حضرت عائشہ رضی اللہ عنہا سے مروی ہے وہ کہتی ہیں کہ رسول اللہ صلی اللہ علیہ وسلم نے فرمایا: ( (إِذَا أَرَادَ اللّٰہُ عَزَّوَجَلَّ بِأَہْلِ بَیْتِ خَیْرًا أَدْخَل عَلَیْہِمَ الرِّفْقَ۔))[1] ’’جب اللہ تعالیٰ کسی گھر والوں کے ساتھ بھلائی کا ارادہ کرتاہے تو ان میں نرمی پیدا کردیتاہے۔‘‘ دوسری روایت میں ہے: ( (إِنَّ اللّٰہَ إِذَا أَحَبَّ أَہْلِ بَیْتٍ أَدْخَلُ عَلَیْہِمُ الرِّفْق۔))[2] ’’جب اللہ تعالیٰ کسی گھر والوں سے محبت کرتاہے تو ان کے درمیان نرمی پیدا کردیتاہے۔‘‘ یعنی اہل خانہ ایک دوسرے سے نرم خوئی اور نرم گفتار ی سے پیش آتے ہیں اور یہی اصل مطلوب ہے اور یہ گھر کی ترقی اور سعادت ونیک بختی کے اہم اسباب میں سے ہیں،نرمی میاں بیوی کے مابین اور بچوں کے ساتھ بہت ہی مفید ہے، اس سے ایسے کا رآمد نتائج سامنے

[1] مسند أحمد: ۶/۷۱ صحیح الجامع: ۳۰۳۔ [2] صحیح الجامع: ۱۷۰۴۔