انوار المصابیح بجواب رکعات تراویح

وہ یا تو مودّل ہے یا منسوخ ہے اور اسی طرح جو حدیث اس قسم کی ہو وہ مودّل ہے یا منسوخ۔‘‘(تاریخ فقہ اسلامی از عبدالسلام ندوی ص۴۲۱) یعنی آیت یا جدیث اگر حنفی مذہب کے مطابق ہے تب تو وہ سر آنکھوں پر‘لیکن اگر وہ حنفی مذہب کے مخالف ہے تو ہم کو شش کریں گے کہ اس کی تاویل کرکے اس کو حنفی مذہب کے مطابق بنائیں اور اگر اس کی کوئی ایسی تاویل نہ ہو سکی تو ہم کہیں گے کہ وہ آیت منسوخ ہے یا وہ حدیث منسوخ ہے۔گویا آیت یا حدیث کا چھوڑ دینا گوارا ہے’مگر حنفی مذہب کا مسئلہ چھوڑ دینا گوارا نہیں۔عیاذاً بااللہ۔ فرمایئے جہاں یہ جمود اور’’ہمت‘‘ہو وہاں آپ کی اس تاویل پر کیا تعجب کریں کہ’’ممکن ہے وہ یوں پڑھتے رہے ہوں…یا ممکن ہے وہ یوں پڑھتے رہے ہوں۔‘‘…دلیل اور ثبوت سے تو آپکو مطلب ہے نہیں۔آپکو تو بس فکر اس بات کی ہے کہ عقیدت مندوں اور مریدوں کا حلقہ ٹوٹنے نہ پائے۔اس لیے اوٹ پٹانگ جو آئے کہ دو ‘تاکہ جواب کا نام ہو جائے۔چاہے کام ہو یا نہ ہو۔ بہر حال ان آثار وروایات کی موجودگی میں اس میں کوئی شبہ نہیں رہ جاتاکہ عہدفاروقی میں بھی اور اس کے بعد کے زمانوں میں بھی صحابہؓ اورتابعین کے عمل سے بیس رکعت سے زیادہ اور بیس سے کم ‘دونوں طرح تراویح کا پڑھنا ثابت اور محقق ہے۔اس لیے خاص بیس رکعت پراجماع اور اسی پرعمل کے استقرار کا دعویٰ یقینا باطل ہے۔یہی وجہ ہے کہ یہ دعویٰ نہ تو عہد فاروقی کے کسی صحابی نے کیا ہے اور نہ کسی تابعی نے اور نہ اسکے قریبی زمانے کے لوگوں نے یہ دعویٰ کیا ہے جس زمانے میں یہ تقلید شخصی کاراج ہو چکا تھا اور اس کی نتیجے میں