علامہ ابن باز یادوں کے سفر میں

قائل تھے اور لوگوں کو سمجھاتے تھے کہ خدا کی قدرت سے یہ نئے نئے امکانات اکتشافات بعید از عقل نہیں ہیں، وہ گویا اکبر الہ آبادی کے لفظوں میں کہتے تھے: تم شوق سے کالج میں پڑھو اور پارک میں پھولو جائز ہے غباروں میں اڑو چرخ پہ جھولو بس ایک سخن بندہ عاجز کی رہے یاد اللہ کو اور اپنی حقیقت کو نہ بھولو شیخ ابن باز نے بڑی تعداد میں چھوٹی بڑی کتابیں تصنیف کی ہیں اور ان کے کئی ایڈیشن شائع ہو چکے ہیں، اور فتاویٰ کی کئی جلدیں منظر عام پر آچکی ہیں۔ دعا ہے کہ اللہ تعالیٰ ہمیں ان کے چھوٹے بڑے علمی ذخیرے سے مستفید ہونے کی توفیق بخشے اور شیخ کو جنت الفردوس میں بلند مقام عطا کرے، آمین: مثل ایوان سحر مرقد فروزاں ہو ترا نور سے معمور یہ خاکی شبستاں ہو ترا آسمان ان کی لحد پہ شبنم افشائی کرے سبزۂ نورستہ اس گھر کی نگہبانی کرے ٭٭٭