الابانہ عن اصول الدیانہ

لوگوں کا اختلاف ہے تم اس میں توقف کرو۔اگر تمہارے لیے مسلمانوں میں سے بعض کے موقف کو اپنانا جائز ہے جب اس موقف پر دلیل ہو تو ان ادلہ کو مد نظررکھتے ہوئے جو ہم نے ذکر کی ہیں تم کیوں نہیں کہتے کہ قرآن غیر مخلوق ہے ۔ ۵: اگر کوئی کہے :ہمیں بتاؤ کیا تم مانتے ہو کہ کلام اللہ لوح محفوظ میں ہے ؟اس کو کہا جائے گا؟بالکل ہم یہی کہتے ہیں کیونکہ اللہ نے فرمایا:﴿ بَلْ هُوَ قُرْآنٌ مَجِيدٌ (21) فِي لَوْحٍ مَحْفُوظٍ ﴾(البروج:۲۱۔۲۲)’’بلکہ یہ قرآن بلند پایہ جو لوح محفوظ میں (درج )ہے۔‘‘پس قرآن لوح محفوظ میں ہے اوران لوگوں کے سینوں میں بھی ہے جو علم دیے گئے ہیں ۔اللہ نے فرمایا :﴿ بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ ﴾(العنکبوت:۴۹)’’بلکہ وہ واضح آیات ہیں ان لوگوں کے سینے میں جو علم دیے گئے ہیں ۔‘‘اس کی زبانوں کے ذریعے تلاوت بھی کی جاتی ہے ۔اللہ نے فرمایا :﴿ لَا تُحَرِّكْ بِهِ لِسَانَكَ لِتَعْجَلَ بِهِ (16) إِنَّ عَلَيْنَا جَمْعَهُ وَقُرْآنَهُ ﴾ القیامۃ:۱۶۔۱۷)’’اے نبی صلی اللہ علیہ وسلم اس وحی کو جلدی یاد کرلینے کے لیے اپنی زبان کو حرکت نہ دیجیے ۔سو اس کو دل میں جمع کرنا اورزبان سے پڑھوانا ہمارے ذمہ ہے۔‘‘ قرآن حقیقتا مصاحف میں مکتوب ہے ۔حقیقتا ہمارے سینوں میں محفوظ ہے ۔حقیقتا ہماری زبانوں سے متلو ہے ۔حقیقتا ہم اس کو سنتے ہیں ،جیسا کہ اللہ نے فرمایا:﴿ فَأَجِرْهُ حَتَّى يَسْمَعَ كَلَامَ اللَّهِ ﴾(التوبۃ:۶)’’تو اسے پناہ دیجیے حتی کہ وہ (اطمینان سے)اللہ کا کلام سن لے‘‘[1] ۶: اگر کوئی کہے کہ مسئلہ ’’لفظ بالقرآن ‘‘[2]کے متعلق بتاؤ کہ اس کے بارے میں

[1] اس کے ساتھ یہ بھی ذہن میں رہے کہ بندوں کے افعال،سیاہی ،ورقے وغیرہ مخلوق ہیں ۔اس پر اہل السنہ کا اجماع ہے ۔جو اہل الحدیث سے نقل کرتے ہیں کہ وہ مداد ،وغیرہ کے قدیم ہونے کے قائل ہیں وہ محض جھوٹ بولتے ہیں ۔ [2] جب ہم لفظنا بالقرآن مخلوق کہتے ہیں تو اس میں دواحتمال ہوتے ہیں :ایک یہ کہ ہمارا عمل جو قرآن پڑھنے پر مشتمل ہے اور ہماری زبان کی حرکت ہے یہ مخلوق ہے ۔دوسرا احتمال یہ ہوتا ہے کہ ملفوظ یعنی قرآن مخلوق ہے ۔اور یہ معنی باطل ہے ۔جہمیہ تلبیس کے لیے یہ کہا کرتے تھے ۔اسی لیے ائمہ نے ان پر سخت نکیر کی ۔اور قرآن کی ( (