البیان شمارہ 22

اللہ اکبر یہ ہے ہمارے پیارے محبوب محمد رسول اللہ صلی اللہ علیہ وسلم کی امت کی عام افراد بالخصوص کمزور طبقے سے محبت اور ان کے ہر غمی وخوشی میں شریک ہونے کی خواہش اور چاہت جس کی مثال ڈھونڈھنے سے نہیں ملتی ۔ ضرورت مندوں اور محتاجوں سے رحمت وشفقت : آپ صلی اللہ علیہ وسلم کے پاس جو ضرورت مند آتا آپ اس کی ضرورت پوری کرتے اگر اس وقت کچھ موجود نہ ہوتا تو کہتے کہ فلاں وقت آنا اس وقت میرے پاس کچھ مال آئے گا اس میں سے تمہیں دے دوں گا ۔ سیدنا قبیصہ رضی اللہ عنہ کا واقعہ اس امر کا شاہد ہے فرماتے ہیں : ’تحملت حمالة فأتيت رسول اللّٰہ صلی اللہ علیہ وسلم أسألہ فيھا، فقال: أقم حتى تأتينا الصدقة فنأمر لك بھا ثم قال: يا قبيصة، إن المسألة لا تحل إلا لأحد ثلاثة: رجل تحمل حمالة، فحلت لہ المسألة حتى يصيبھا، ثم يمسك، ورجل أصابتہ جائحة اجتاحت مالہ، فحلت لہ المسألة حتى يصيب قواما من عيش- أو قال: سدادا من عيش - ورجل أصابتہ فاقة، حتى يقول ثلاثة من ذوي الحجى من قومہ: لقد أصابت فلانا فاقة. فحلت لہ المسألة حتى يصيب قواما من عيش، أو قال: سدادا من عيش، فما سواہن من المسألة يا قبيصة سحت، يأكلہا صاحبھا سحتا۔‘[1] ’’ سیدناقبیصہ بن مخارق رضی اللہ عنہ کہتے ہیں کہ میں نے ایک ایسے قرضہ کی ضمانت لی جو دیت کی وجہ سے تھا چنانچہ میں رسول کریم صلی اللہ علیہ وسلم کی خدمت اقدس میں حاضر ہوا اور آپ صلی اللہ علیہ وسلم سے ادائیگی قرض کے لیے کچھ رقم یا مال کا سوال کیا آپ صلی اللہ علیہ وسلم نے فرمایا کہ کچھ دن ٹھہرے رہو، جب ہمارے پاس زکوٰۃ کا مال آئے گا تو اس میں سے تمہیں دینے کے لیے کہہ دیں گے۔ پھر آپ صلی اللہ علیہ وسلم نے فرمایا کہ قبیصہ! صرف تین طرح کے لوگوں کے لیے سوال کرنا جائز ہے۔ ایک تو اس شخص کے لئے جو کسی

[1] صحیح مسلم،باب من تحل لہ المسألۃ رقم:1044