جدید معیشت،تجارت مروجہ اسلامی بینکاری میزان شریعت میں خصوصی اشاعت

اہم مثال ہےجس پر کسی قسم کا کوئی تردّد نہیں ہے۔ اس ضابطہ کے دلائل درجِ ذیل ہیں : فرمانِ باری تعالیٰ ہے: {وَأَحَلَّ اللّٰه الْبَيْعَ وَحَرَّمَ الرِّبَا }[البقرۃ:275] ترجمہ: ’’حالانکہ اللہ تعالیٰ نے تجارت کو حلال کیا اور سود کو حرام‘‘ ۔ اس آیت میں اللہ تعالیٰ نے بیع یعنی لین دین، خرید و فروخت ،کاروبار و تجارت وغیرہ کومطلقاً حلال قرار دیا ہے اور سود کو مطلقاً حرام ۔ اب اس بیع کا تعلق زمین او راس کے متعلقات اناج وغیرہ سے ہو ، حیوانات وغیرہ سے ہو یا دیگر ساز و سامان سے،سب کی بیع حلال ہے جب تک کہ ان میں کوئی بھی ایسا شرعی سبب نہ پایا جائے جو انہیں حرام کردے جیسے سود اور دیگر بیوعِ محرّمہ۔ اور سورۃ المائدۃ کی پہلی آیت میں اللہ تعالیٰ کا فرمان ہے : {يَا أَيُّہَا الَّذِيْنَ آمَنُوْٓا أَوْفُوْا بِالْعُقُوْدِ} [المائدۃ: 1]ترجمہ:’’ اے ایمان والو! عہد و پیمان پورے کرو ‘‘۔ اس آیت میں اللہ تعالیٰ نے اہلِ ایمان کو ہر مالی معاملہ و عقد کو پورا کرنے کا حکم دیا ہے خواہ وہ معاملہ اور اس کی صورت رسول اکرم صلی اللہ علیہ وسلم کے مبارک زمانہ میں موجود ہو یا نہ ہو جو اس بات کی دلیل ہے کہ ہر مالی معاملہ و عقد شرعاً جائز و حلال ہے سوائے اس کے جسے باقاعدہ حرام قرار دیا گیا ہو۔ ایک اور مقام پرفرمانِ باری تعالیٰ ہے : { يَا أَيُّہَا الَّذِيْنَ آمَنُوْا لَا تَأْکُلُوْٓا أَمْوَالَکُمْ بَيْنَکُمْ بِالْبَاطِلِ إِلَّآ أَنْ تَکُونَ تِجَارَۃً عَنْ تَرَاضٍ مِّنْکُمْ } [النساء: 29] ترجمہ: اے ایمان والو! آپس میں ایک دوسرے کے مال باطل طریقوں سے نہ کھاؤ۔ درست صورت یہ ہے کہ باہمی رضا مندی سے آپس میں لین دین ہو ‘‘ اس آیت میں رب العالمین نے جائز تجارت کے ذریعہ منافع خوری کوباہمی رضامندی کی شرط کے ساتھ حلال و جائز قرار دیا ہے جس کا معنی ہے کہ ہر جائز تجارت کا منافع باہمی حقیقی رضا مندی سے جائز ہے سوائے اس منافع کے جسے حرام قرار دیا گیا ہو جیسے وہ منافع جو ظلم و زیادتی ، ناانصافی یا حرام کام پر مبنی ہوں،